(இ - ள்.) பழையவரலாற்றினையுடைத்தாய வாளினையுடைய மறக்குடியில் ²தமப்பனுடைய நிலைமையைச் சொல்லியது எ-று.

(வ - று.)
³குளிறு முரசங் குணில்பாயக் கூடார்
ஒளிறுவாள் வெள்ள முழக்கிக்-களிறெறிந்து
புண்ணொடு வந்தான் புதல்வற்குப் பூங்கழலோய்
தண்ணடை நல்கல் தகும்.

(இ - ள்.) முழங்கும் வீரமுரசிலே கடிப்புத்தாக்கப் பகைவருடைய விட்டுவிளங்கும் வாள்வெள்ளத்தைத் துகைத்து யானையை வெட்டிப் புண்ணுடனே வந்தொழிந்தவனுடைய மகனுக்கு, பொலிந்த வீரக் கழலினையுடையோய்,மருதநிலங்களைக் கொடுத்தல் தக்கதாம் எ - று.

மகனென்றமையால் அவன் தமப்பன் பட்டமை விளங்கும்.