(இ - ள்.) போரினைச்செய்யும் சேனையிடத்து வெள்ளம் தள்ளாதபடி கல்லாற்கட்டின கரையேபோலப் பெரும்படையை ²ஒருவீரன் தடுத்த நிலையைச் சொல்லியது எ-று.

(வ - று.)
³வீடுணர்ந் தோர்க்கும் வியப்பாமா லிந்நின்ற
வாடன் முதியாள் வயிற்றிடம் - கூடார்
பெரும்படை வெள்ள நெரிதரவும் பேரா
இரும்புலி சேர்ந்த விடம் .

(இ - ள்.) முத்தியினை அறிந்து எல்லாப் பற்றுமற்றோர்க்கும் அற்புதமாம் , இவ்விடத்துநின்ற பொலிவழிந்த தன்மையையுடைய கிழவிதன் மடியகம்; பகைவர் அளவிறந்த சேனை நெருக்கிவந்து மேலிடவும் நின்ற நிலையினின்று நீங்காத பெரிய புலியனையான் கிடந்த இடம் எ-று.

ஆல் : அசை; ஒரு சொல்விழுக்காடாயினுமாம்.