(இ - ள்.) வெய்தான பகையையுடையவன் மகளை வேண்ட அழகிய குறும்பினுள்ளோன் மறுத்துச் சொல்லியது எ-று.

(வ - று.)
ஒள்வாண் மறவ ருருத்தெழுந் தும்பர்நாட்
கள்வார் நறுங்கோதை காரணமாக்-கொள்வான்
மருங்கெண்ணி வந்தார் மழகளிற்றின் கோடிக்
கருங்கண்ணி வெண்கட்டிற் கால்.

(இ - ள்.) நொச்சியில் ஒள்ளிய வாள் ¹வீரரைக் கோபித்தெழுந்து மேனாள் தேனொழுகும் நறுமாலையுடையவள் பொருட்டாகக்கொண்டு கொள்வான் வேண்டி இடையின் அழகைக் கருதி வந்தவருடைய இளைய வாரணத்தின் கொம்பு,இந்தக் கறுத்த கண்ணினையுடையாள் வெளுத்த கட்டிலின் கால் எ-று.

"ஆயிரு திணையு மரசர்க் குரிய" என்பதனால் மகட்பாற்காஞ்சி அரசர்க்குரித்து; இது மறவர்க்குரித்து.