ஐந்தாவது
நொச்சிப்படலம்
(சூத்திரம் 5.)

என் - னின், நொச்சித்திணையும் துறையுமாமாறு உணர்த்துதல் நுதலிற்று.

(இ - ள்.) நொச்சி, மறனுடைப்பாசி, ஊர்ச்செரு, செருவிடை வீழ்தல், குதிரைமறன், எயிற்போர், எயிறனையழித்தல், அழிபடைதாங்கல், மகண் மறுத்து மொழிதல் எனச் சொல்லப்பட்ட இவ்வொன்பதும் நொச்சித் திணையும் துறையுமாம் எ - று.

86. நொச்சி

ஏப்புழை ஞாயி லேந்துநிலை யரணம்
காப்போர் சூடிய பூப்புகழ்ந் தன்று.

(இ - ள்.) ஏவறையையுடைய முடக்குக்களைத் தாங்கின நிலைமையினை யுடைய எயில்காக்கும் வீரர் மலைந்த பூவைப் புகழ்ந்தது எ - று.

(வ - று.) ஆடரவம் பூண்டா னழலுணச் சீறிய
கூடரணங் காப்போர் குழாம்புரையச் - சூடினார்
உச்சி மதி ²வழங்கு மோங்கு மதில்காப்பான்
நொச்சி நுதிவே லவர்.

(இ - ள்.) ஆடும் பாம்பையணிந்தான் நெருப்பு நுகரக் கோபித்த திரிபுரத்தைக்காக்கும் அவுணர்திரளையொப்ப மலைந்தார், மேலே திங்களூரும் உயர்ந்த புரிசையைக் காவல்செய்வான்வேண்டி நொச்சிப் பூவை, ³நுனையாற் சிறந்த வேலினையுடையவர் எ - று.

வேலவர் நொச்சி சூடினாரென்க.

(1)

87. மறனுடைப் பாசி

மறப்படை மறவேந்தர்
துறக்கத்துச் செலவுரைத்தன்று.

(பி-ம்.)1. 'திணையது வகையெனமொழிப' 2. 'தவழும்' 3. 'நுனி'