இ-ள் அணிந்துழி நாணியது உணர்ந்து தெளிவித்தல் முதலாக இடம் அணித்து என்றல் ஈறாகச் சொல்லப்பட்ட ஆறும் தலைமகளது அறிவின்மை நீங்க ஆராய்ந்து கூறிய வன்புறையின் விரியாம் என்றவாறு.
விளக்கம்
[1 தான் புனைந்தமை வேறுபாட்டைப் புலப்படுத்தும் என்று தலைவி நாணியதை அறிந்த தலைவன், "முன்போலவே அணிந்தேன்" என்று அவளைத் தெளிவித்தல்.
2 தனது மிக்க காதலைப் புகழ்ச்சிவகையான் தலைவன் உரைத்தல்.
3 தம்மைச் சேர்த்து வைத்த ஊழ்வினையின் தன்மையைத் தலைவன் கூறுதல்.
4 தலைவியை "என்றும் பிரியேன்" என்று தலைவன் சொல்லுதல்.
5 இருவர் நலமும் குறித்துப் "போய் வருவேன்" என்று தலைவன் தலைவியிடம் கூறுதல்.
6 தம்முடைய ஊர்கள் ஒன்றுக்கு ஒன்று அணிமையில் உள்ளவாற்றைத் தலைவன் தலைவிக்குக் கூறுதல்.