வம்புடை யொள்வாண் மறவர் தொழுதேத்த
     வம்புடை ஞாயி லரண்”                     [பு. வெ. உழி. 24]

எனவரும்.

     25. முற்றுவிட்டகல மற்றொரு வேந்தன் வெற்றியம்படை வரூஉம்
வேற்றுப்படை வரவுக்குச் செய்யுள்:-

     “உவனின் றுறுதுயர முய்யாமை நோக்கி
     யவனென் றுலகேத்து மாண்மை-யிவனன்றி
     மற்றியார் செய்வார் மழைதுஞ்சு நீளரண
     முற்றியார் முற்று விட”                     [பு. வெ. உழி. 25]

எனவரும்.

     26. எண்ணாராரெயில் கழுதையேரின் உண்ணாவரகுகொள்
உழுது வித்திடுதற்குச் செய்யுள்:-

     “எழுதெழின் மாடத் திடனெலா நூறிக்
     கழுதையேர் கையொளிர்வேல் கோலா-வுழுததற்பின்
     வெள்வரகு கொள்வித் திடினும் விளியாதாற்
     கள்விரவு தாரான் கதம்”                    [பு. வெ. உழி. 26]

எனவரும்.

     27. புண்ணியநீரிற் புரையோரேத்த மண்ணுதல்புரிந்த வாண்மங்
கலத்திற்குச் செய்யுள்:-^*

     “தீர்த்தநீர் பூவொடு பெய்து திசைவிளங்கக்
     கூர்த்தவாண் மண்ணிக் கொடித்தேரான்-பேர்த்து
     மிடியார் பணைதுவைப்ப விம்மதிலுள் வேட்டான்
     புடையா ரறையப் புகழ்”                     [பு. வெ. உழி. 27]

எனவரும்.

     28. கோமகனடிமலர் குறுகலர்புனைய மாமதிற்குமரியொடு
மணந்த மங்கலத்திற்குச் செய்யுள்:-

     “எங்கண் மலர வெயிற்குமரி கூடிய
     மங்கல நாள்யா மகிழ்தூங்கக்-கொங்கலர்தார்ச்
     செய்சுடர்ப்பூண் மன்னவன் சேவடிக்கீழ் வைகினவே
     மொய்சுடர்ப்பூண் மன்னர் முடி”              [பு. வெ. உழி. 28]

எனவரும்.

   ^* புறநா. 95 - பாடாண்டிணை.