7. குதிரைமறத்திற்குச் செய்யுள்:- ^*

     “குந்தங் கொடுவிற் குருதிவேல் கூடாதார்
     வந்த வகையறியா வாளமருள்-வெந்திற
     லார்கழன் மன்ன னலங்குளைமா வெஞ்சிலை
     வார்கணையின் முந்தி வரும்”                   [பு. வெ. தும். 7]

எனவரும்.

     8. முன்னெழுவயப்படை தாங்குவல்யானென மன்னவற் குரைத்த
தூசிநிலைக்குச் செய்யுள்:-

     “உறுசுடர் வாளோ டொருகால் விலங்கிற்
     சிறுசுடர்முற் பேரிருளாங் கண்டா-யெறிசுடர்வேற்
     றேங்குலாம் பூந்தெரியற் றேர்வேந்தே நின்னொடு
     பாங்கலா மன்னர் படை”                       [பு. வெ. தும். 8]

எனவரும்.

     9. வேன்மிகு வேந்தனை மொய்த்தவழியொருவன்
தான்மீண்டெறிந்த மற்றதன் பகுதிக்குச் செய்யுள்:-

     “காலான் மயங்கிக் கதிர்மறைத்த கார்முகில்போல்
     வேலான்கை வேல்பட வீழ்ந்தனவே-தோலா
     விலைபுனை தண்டா ரிறைவன்மேல் வந்த
     மலைபுரை யானை மறிந்து”                     [பு. வெ. தும். 9]

எனவரும்.

     10. முறிமலர்நறுந்தார் மொய்கழல்வேந்தன் செறிமணித்தேர் மறஞ்
சிறந்தமை கூறற்குச் செய்யுள்:-

     “செருமலி வெங்களத்துச் செங்குருதி வெள்ள
     மருமுர ணாழி தொடர-வருமரோ
     கட்டார் கமழ்தெரியற் காவலன் காமர்தே
     ரொட்டார் புறத்தின்மே லூர்ந்து”               [பு. வெ. தும். 10]

எனவரும்.

     11. மையல்யானை எறிந்துமாய்ந்தோர்க்குக் கைவல்யாழ்ப்பாணர்
கடன்முறைகழித்தற்குச் செய்யுள்:- ¹

     “தளரிய றாய்புதல்வர் தாமுண ராமைக்
     களரிக் கனன்முழங்க மூட்டி-விளரிப்பண்

   ^* புறநா. 273, 299, 302, 304.
   ¹ பாண்பாட்டு-புறநா. 260, 284-311.