28. நிறைவினை முற்றிய நீள்கழலோன்மனை அறன்மலியுரைத்த
ஆள்வினைவேள்விக்குச் செய்யுள்:-

     "நின்ற புகழொடு நீடுவாழ் கிவ்வுலகி
     லொன்ற வுயிர்களிப்ப வோம்பலால்-வென்றமருள்
     வாள்வினை நீக்கி வருக விருந்தென்னு
     மாள்வினை வேள்வி யவன்"                    [பு. வெ. பா. 27]

எனவரும்.

     29. கூத்தரும் பாணரும் பொருநரும் விறலியும் ஆற்றிடைக்காட்சி
உறழத்தோன்றிப் பெற்ற பெருவளம் பெறாஅர்க்கறிவுறீஇச் சென்றெதிரத்
தெரித்த ஆற்றுப்படையும் என்புழிக் கூத்தராற்றுப்படைக்குச் செய்யுள்:-

     "கொலைவிற் புருவத்துக் கொம்பன்னார் கூத்தின்
     றலைவ தவிராது சேறி-சிலைகுலாங்
     காரினை வென்ற கவிகையான் கைவளம்
     வாரினை கொண்டு வரற்கு"                     [பு. வெ. பா. 29]

எனவரும்.

பாணராற்றுப்படைக்குச் செய்யுள்:- ^*

     "இன்றொடை நல்லிசையாழ்ப் பாணனீ யெம்மேபோற்
     கன்றுடை வேழத்த கான்கடந்து-சென்றடையிற்
     காமரு சாயலாள் கேள்வன் கயமலராத்
     தாமரை சென்னி தரும்"                        [பு. வெ. பா. 28]

எனவரும்.


பொருநராற்றுப் படைக்குச் செய்யுள்:-

     "தெருவி னலமருந் தெண்கட் டடாரிப்
     பொருவில் பொருநநீ செல்லிற்-செருவி
     லடுந்தடக்கை நோன்றா ளமர்வெய்யோ னீயு
     நெடுந்தடக்கை யானை நிரை"                 [பு. வெ. பா. 30]

எனவரும்.

விறலியாற்றுப் படைக்குச் செய்யுள்:- ¹

     "சில்வளைக்கைச் செவ்வாய் விறலி செருப்படையான்
     பல்புகழ் பாடிப் படர்தியே-னல்லவையோ
     ரேத்த விழையணிந் தின்னே வருதியாற்
     பூத்த கொடிபோற் பொலிந்து"                   [பு. வெ. பா. 31]

எனவரும்.

   ^* புறநா. 68-70, 138, 141, 155, 180.
   ¹ " 64, 103, 105, 133.