40. விரும்பிய தரூஉம் விண்ணவர்தம்முழை அரும்பெறற் புலவரை
ஆற்றுப்படுத்தற்குச் செய்யுள்:- ^*

     “வெறிகொ ளறையருவி வேங்கடத்துச் செல்லி
     னெறிகொள் படிவத்தோய் நீயும் - பொறிகட்
     கிருளீயும் ஞாலத் திடரெல்லா நீங்க
     வருளீயு மாழி யவன்”                          [பு. வெ. பா. 42]

எனவரும்.

     41. வீற்றதொன்றெய்துகம் வியனிலத்தியாமெனப் போற்றரு
மிறைக்கெதிர் புகழ்ந்தனர் பரவற்குச் செய்யுள்:-

     “சூடிய வான்பிறையோய் சூழ்சுடலை நீற்றரங்கத்
     தாடி யசையா வடியிரண்டும்-பாடி 
     யுரவுநீர் ஞாலத் துயப்போக வென்று
     பரவுதும் பல்காற் பணிந்து”                     [பு. வெ. பா. 43]

எனவரும்.

     42. விடுசுடரெறிக்கும் மேனிவானவனைப் படுபயன்கருதிப்
பழிச்சினர் பணிதற்குச் செய்யுள்:- ¹

     “ஆட லமர்ந்தா னடியடைந்தா ரென்பெறா
     ரோடரி யுண்க ணுமையொருபாற்-கூடிய
     சீர்சா லகலத்தைச் செங்க ணழனாகந்
     தாராய்த் தழுவப் பெறும்”                      [பு. வெ. பா. 44]

எனவரும்.

     43. மருமலர்க்கோதை மடவரறலைவன் விரிமலர்த்தாமம் விழைந்த
கைக்கிளைக்குச் செய்யுள்:-

     “மங்குன் மனங்கவர மான்மாலை நின்றேற்குப்
     பொங்கு மருவிப் புனனாடன்-கங்குல்
     வருவான்கொல் வந்தென் வனமுலைமேல் வைகித்
     தருவான்கொன் மார்பணிந்த தார்”              [பு. வெ. பா. 45]

எனவரும்.

     44. அல்லிடை விரும்பாது அவன் முயக்கமர்ந்து செல்பவன்
செல்வகை தெரிந்தபெருந்திணைக்குச் செய்யுள்:-

     “வயங்குளைமான் றென்னன் வரையகலந் தோய
     வியங்கா விருளிடைச் செல்வேன் - மயங்காமை

   ^* புறநா. 48, 49, 141.
   ¹ ” 83 - 85.