முகப்பு

தொடக்கம்

மடல்     47. பொருளறம் வீடு பழித்தின்ப 1மேபொரு ளாக்கிநல்லார் 2அருள்பெறு வேட்கை மடன்மிக வூர்தலிற்                              3பாட்டுடையோர்க் குரிதரு பேரிற் பெயருக் கிசைந்த எதுகையினால் வருகலி வெண்பாத் தனைமட லாக வகுத்தனரே.      (உரை I). எ - ன், மடலாமாறுணர்த்.........................று.      (இ - ள்.) அறம் பொருள் வீடென்னும் மூன்றையும் பழி்த்துக் காமமே பொருளாக அரிவையர் அருள் பெறும் வேட்கையினால் மடலூர்வலென்னும் பொருள் பாட்டுடைத் தலைமகன் இயற்பெயராகிய அந்த எதுகை வகுத்து ஆக்கிய கலிவெண்பாவை மடலென்றுரைப்பர் வண்டமிழ்ப் புலவர் எ - று.      (உரை II). எ - து. அறம், பொருள், வீடு என்ற மூன்று காரியங்களையும் பழித்து, இன்பமே பொருளாக்கி, இந்த இன்பத்துக் கிடமான சிறப்பினையும் வைத்துப் பாட்டுடைத் தலைமகன் பேருக்கிசைந்த எதுகை [யினாலே ஏதுவாக] வைத்துக் கலிவெண்பாவினாலே, தலைமனிரந்து குறைபெறாது மடலேறுவதாய், ஈரடி யெதுகை வரப்பாடுவது மடலென்று சொல்லப்படும் எ - று.      (கு - ரை). இந் நூலைப் போலவே பிரபந்தத்திரட்டும் வச்சணந்தி மாலையும் மடல் என்றே கூறும்; சில நூல்கள் வளமடல், உலாமடல் என்று கூறும், பெண்கள் மடலேறுவதாகக் கூறும் மடல் நூல்களும் உள்ளன.      (பி - ம்.) 1 ‘மெய்ப்பொரு’ 2 ‘மருள்பெறு’ 3 ‘பாட்டுடை யோரிரு பொருளாகவவர் பேருக் கேய்ந்த’ (22)

மேல்