முகப்பு

தொடக்கம்

கோவை, நாழிகைக் கவி     54. பொருளதி காரத் 1திறத்தைப் புகன்று கலித்துறைகள் வருவது நானூறு கோவையென் 2றாகுமவ் வானவர்க்கும் அரசர் தமக்கு மறிய உரைத்த 3கடிகைகளை உரைசெய்யுண் முப்பத் திரண்டுவெண் பாவென                                     ஓதுவரே.      (உரை I). எ - ன், கோவையும் நாழிகைக் கவியும் உணர்த்........று.      (இ - ள்), அகப்பொருளையுடைய நானூறு கலித்துறை [யாக்குவன விதத்தால் வளப்படுத்த] கோவையாகும்; அவை அரசர் கோவை, பாண்கோவை போல்வன. அரசர்க்கும் வானோர்க்கும் உரைக்கும் கடிகைகளை முப்பதிரண்டு வெண்பாவினால் உரைப்பது நாழிகைச் செய்யுளாம் எ - று.      (உரை II). எ - து, பொருளதிகாரத்துட் பிரமம், பிராஜா பத்தியம், ஆரிடம், தெய்வம், காந்திருவம், அசுரம், இராக்கதம், பைசாசம் என்று சொல்லப்பட்ட எட்டுவகை மணத்தினுள் காந்திருவ மணத்தில் நானூறு கலித்துறை பாடுவது கோவையென்று வழங்கப்படும் ; வெண்பா முப்பத்திரண்டு பாடுவது கைக்கிளை யென்று வழங்கப்படும் எ - று.      (கு - ரை). அரசர் கோவை, களவியற்காரிகையுரையில் அரையர்கோவை என்னும் ஒரு நூற் பெயர் காணப்படுகின்றது. நாழிகைச் செய்யுள், நாழிகைக்கவி, நாழிகைவெண்பா, கடிகை வெண்பா என்பன ஒரு பிரபந்தத்தையே குறிப்பனவாகும்.(29)      (பி - ம்.) 1 ‘தறத்தை’ 2 ‘றாகுவ’ 3 ‘படிகைக்கிளை’ .

மேல்