பூதம்புல்லன் (பி-ம். பூதம்புலவன்.) (பி-ம்) 5. ‘நரையுரு’, ‘மாவுரு’, ‘வரவரு’; 7. ‘எழுமணிக்’.
(ப-ரை.) தோழி, நெறி இரு கதுப்பொடு - நெறிப்பைஉடைய கரிய கூந்தலோடு, பெரு தோள் நீவி - பெரியதோள்களைத் தடவி என்னைத் தேற்றி, செறி வளைநெகிழ-இறுகச் செறித்த வளைகள் நெகிழும்படி, செய்பொருட்குஅகன்றோர்-தாம் ஈட்டும் பொருளின் பொருட்டு என்னைப்பிரிந்து சென்ற தலைவர், பொறிவரி வெஞ்சினம் அரவின்-புள்ளிகளையும், பத்திக்கீற்றுக்களையும் மிக்க சினத்தையுமுடைய பாம்புகளின், பசு தலை துமிய - பசிய தலைகள்துணியும்படி, உரம் உரும் உரறும் - வலியையுடைய இடியேறு முழங்குகின்ற, அரை இருள் நடு நாள் -பாதியிரவின் கண், பல் ஆன் தொழுவத்து - பல பசுக்கள் உள்ள தொழுவத்தில், நல் ஏறு இயங்குதோறு இயம்பும் - நல்ல ஆனேறுசெல்லுந் தோறும் ஒலிக்கின்ற, ஒருமணிகுரல் - ஒற்றைமணியின் குரலை, அறிவர் கொல் - அறிவாரோ?
(முடிபு) தோழி, அகன்றோர் நடுநாள் ஏறு இயங்கு தோறியம்பும்மணிக்குரலை அறிவர்கொல்?
(கருத்து) இங்கே நான் படும் துன்பத்தைத் தலைவர் அறியார்போலும்!
(வி-ரை.) கதுப்பும் தோளும் நீவித் தலையளி செய்தது பின்புபிரியும் பொருட்டு. செறிவளை - முன்பு செறிந்திருந்த வளை. அறிவர்கொல் என்றது அறிந்தாற் பிரிந்திராரென்னும் நினைவிற்று. கொல்: ஐயம்.வாழி: அசைநிலை. உரம் - மலையையும் பிளக்கும் ஆற்றல்; “வரையுதிர்க்கும், நரை யுருமினேறு” (மதுரைக். 62-3.) ஆவினங்களுக்கு இன்பத்தருதலின் நல்லேறாயிற்று. இயங்கு தோறு - அசையுந்தோறு மெனினுமாம்.ஒரு மணி ஏற்றின் கழுத்திலுள்ளது. பல பசுக்கள் கட்டிய தொழுவத்திற்கேட்கும் ஒரு மணிக்குரல், அவை அந்நல் லேற்றோடு இன்புற்றிருக்கும்நிலையை நினைவுறுத்தி, “இவை பெற்றபேறு யாம் பெற்றிலேமே!”என இரங்குதற்குக் காரணமாயிற்று. அக்குரலை நள்ளிரவில் தான்கேட்பதாகக் குறிப்பித்தாள்; இதனால் அவள் நள்ளிரவிலும் துஞ்சாமைபெறப்படும்.
(ஒப்பு) நெறியிருங் கதுப்பு : 1. “நெறிபடு கூந்தல்” (குறுந். 199:4);“நெறியிருங் கதுப்பினென் பேதை” “நெறியிருங் கதுப்பிற் கோதையும்புனைக” (அகநா. 35:17, 269:2.)
கதுப்பு நீவுதல்: (குறுந். 379:6); “பாறுமயிர் நீவி” (அகநா. 300:7)“ஓதியு நுதலு நீவி” (தொல். மெய்ப். 15, பேர். மேற்.)
கதுப்பும் தோளும் : “நெறியிருங் கதுப்பு நீண்ட தோளும்”(நற். 387:1.)
5. அரையிரு ணடுநாள்: “அரைநாட்கங்குல்”, “அரைநாள்யாமத்து”,“அரைநாள்” (அகநா. 112:4, 198:4, 311:4.)
மு. நற். 68:8.
4-5. பாம்பின் தலை கெட இடி இடித்தல் : குறுந். 158:1-2. ஒப்புமைப் பகுதி பதிற். 51:25-8; அகநா. 92:11, 323:10-1; புறநா. 17:38-9, 37:1-4, 58:6-7, 126:19, 366:3; நாலடி. 164; கார். 20; களவழி. 13, 138;திணைமொழி. 28.
உரவுரும் உரறுவதால் அரவின் பைந்தலை துமிதல்: “பானாள்,உத்தியரவின் பைத்தலை துமிய, உரவுரு முரறும்” (அகநா. 202:9-11.)
6-7. ஏற்றின் மணி: குறுந். 275:3-4. தலைவி யாமத்தில் ஆன்மணி யோசையைக் கேட்டுத் துன்புறல் : குறுந் 86:4-6, ஒப்பு.
(190)