வெள்ளூர் கிழார் மகனார் வெண்பூதியார் (பி-ம். வெள்ளூர்கிழார் வங்கனார் வெண்பூதியார்.) (பி-ம்.) 1. ‘பசப்பென்’; 2. ‘நாஅர் நெஞ்சத்’; 5. ‘மள்ளிலைத்’;6. ‘சேர்ப்பற்’; 7. ‘நீரோ’.
(ப-ரை.) தோழி--, பயப்பு என் மேனியது - பசலையானது எனது மேனியின் கண்ணது; நயப்பு அவர் நார் இல்நெஞ்சத்து அரு இடையது - காதல் அவரது அன்பற்றநெஞ்சமாகிய செல்லுதற்கரிய இடத்தின்கண்ணது; செறிவும் -எனது அடக்கமும், சேண் இகந்தன்று - நெடுந்தூரத்தில்.நீங்கியது; அறிவு - எனது அறிவு, ஆங்கண் செல்கம் எழுகென - தலைவர் உள்ள இடத்திற்கே செல்வேம் அதன்பொருட்டு எழுவாயாக என்று, வல்லா கூறி ஈங்கு இருக்கும் -நம்மால் மாட்டாதவற்றைக் கூறி இங்கே தங்கி இருக்கும்;எ நீரிரோ எனின் - எந்தத் தன்மையில் உள்ளீரோ என்றுபரிவு கூர்ந்து வினாவிக் குறைதீர்ப்பராயின், முள் இலை-முள் அமைந்த இலையை உடைய, தடவு நிலை தாழைசேர்ப்பர்க்கு - பருத்த அடியை உடைய தாழையை உடையகடற்கரைத் தலைவருக்கு, இடம் - இது தக்க செவ்வியாகும்.
(முடிபு)தோழி, பயப்பு என் மேனியது; நயப்பு ஆரிடையது;செறிவும் இகந்தன்று; அறிவு இருக்கும்; எந்நீரிரோ எனின், சேர்ப்பர்க்குஇடம்.
(கருத்து) தலைவர் வரைவதற்கு ஏற்ற சமயம் இது.
(வி-ரை.) பகற்குறிக்கண் நிகழும் இடையீட்டால் வருந்திய தலைவி,தலைவன் வரைந்து கோடலை விரும்பிக் கூறியது இது. இதன்கண் தன்நிலையைப் புலப்படுத்தி, இது நீங்குதற்குரிய செவ்வி இதுவென்றுதலைவன் உணரும்படி கூறினாள், அவன் அதனை உணர்ந்து விரைவில்வரைந்து கொள்வான் என்பது கருதி.
நயப்பு - விருப்பம்; இங்கே தலைவன் மாட்டுள்ள அன்பு; நயப்பு,தலைவன் நெஞ்சளவிலே நிற்றலல்லது எம் மாட்டுத் தொடர்ந்திலதெனலும் ஒன்று. செறிவு - அடக்கம்; அறிவு - நன்மை பயப்பனவும், தீமை பயப் பனவும் அறிவிப்பது; இவ்விரண்டும் பெண்பாலார்க்குரிய சிறப்பு இயல்புகளைச் சார்ந்தன;
| “செறிவு நிறைவுஞ் செம்மையுஞ் செப்பும் |
| அறிவு மருமையும் பெண்பா லான” (தொல். பொருள். 15) |
தலைவன் உள்ளவிடத்தே செல்வேமெனத் தலைவி கூறுதல் மரபு;
| “காமக் கிழவ னுள்வழிப் படினும் |
| தாவி னன்மொழி கிழவி கிளப்பினும்” (தொல். களவு.22) |
என்பதன் உரையைப் பார்க்க.
இடம் - செவ்வி; “இடனறிந் தூடி” (நாலடி. 384.) மன் ஆக்கப்பொருளில் வந்தது, எந்நீரிரோ வெனின் - என் நிலையில் உள்ளீரோஎன்று வினவப்புகின்; என்றது அங்ஙனம் வினவிக் குறைதீர்க்க எண்ணின்என்றவாறு.
ஒப்புமைப் பகுதி 1. பயப்பும் நயப்பும்: அகநா. 344:12-3; குறள். 1181,1189-90.
வல்லா கூறல்; தொல். செய். 113.
6. தடவுநிலை: குறுந். 66:1.
(219)