குன்றியன். (பி-ம்.) 2. ‘சிறுபொற்’; 5. ‘போழு மணியுடை’; 8. ‘துயின்மறந் தனவால்’.
(ப-ரை.) தோழி--, முழவுமுதல் அரைய - முழவினைப்போன்ற அடி மரத்தையுடைய, தடவு நிலை பெண்ணை -வளைந்த நிலையையுடைய பனையினது, கொழு மடல்இழைத்த - கொழுவிய ஓலையின் கண்ணே இயற்றிய, சிறுகோல் குடம்பை - சிறிய சுள்ளிகளாலாகிய கூட்டிலுள்ள,கருகால் அன்றில் - கரிய காலையுடைய அன்றிலினது,காமர் கடுசூல் வயவு பெடை - விருப்பத்தையுடைய முதல்சூலினால் உண்டான நோயையுடைய பெண் பறவை,அகவும் - ஆண்பறவையை அழைக்கின்ற, பானாள் கங்குல் -பாதியிரவில், மன்றம் போழும் - தனது சக்கரத்தால்மன்றத்தைப் பிளந்து கொண்டு வரும், இனம் மணி நெடுதேர் - தொகுதியாகிய மணியையுடைய தலைவனது நெடியதேர், வாராதாயினும்--, வருவது போல--, செவி முதல்இசைக்கும் அரவமொடு - காதினிடத்து ஒலிக்கும் ஒலியினால்,என் கண் - என்னுடைய கண்கள், துயில் துறந்தன -தூக்கத்தை நீத்தன.
(முடிபு) தோழி, கங்குலில் தேர் வாராதாயினும் வருவது போலஇசைக்கும் அரவமொடு என் கண் துயில் துறந்தன.
(கருத்து) தலைவன் வரவை எதிர்பார்த்துத் துயின்றிலேன்.
(வி-ரை.) இஃது ஆற்றேனென்றும், அதன் காரணம் இன்னதென்றும்கூறியவாறு.
கங்குலில் தலைவனது தேர் வருவதை முன்னம் அறிந்தவளாதலின்அப்பழக்கத்தாலும் நினைவாலும் தேர்மணியின் ஒலி கேட்பதாகத்தோற்றியது.
மேற்கோளாட்சி 6-8. எதிர்பெய்து பரிதலென்னும் மெய்ப்பாடு வந்தது; ‘வாராதென்றுணர்ந்தது இக்காலத்தாகலான் அதற்கு முன் இன்னவாறு பட்டதன்று என்றமையின் எதிர்பெய்து பரிதலாயிற்று’ (தொல். மெய்ப்.22, பேர்; இ.வி. 580.)
மு. இரவுக்குறி பிழைத்த விடத்துத் தலைவி கூறியது (தொல். களவு.16, ந.)
ஒப்புமைப் பகுதி 1. பனைமரத்தின் அடிக்கு முழவு: “முழாவரைப் போந்தை” (புறநா. 85:7, 37:4.)
4. பானாள்: குறுந். 94:3, ஒப்பு.
3-4. கங்குலில் அன்றில் அகவுதல்: (குறுந். 160:1-4, ஒப்பு.); “ஏங்குவயி ரிசைய கொடுவா யன்றில், ஓங்கிரும் பெண்ணை யகமட லகவ” (குறிஞ்சிப். 219-20); “கடவுண் மரத்த முண்மிடை குடம்பைச், சேவலொடு புணராச் சிறுகரும் பேடை, இன்னா துயங்குங் கங்குலும்”(அகநா. 270:12-4.)
கடுஞ்சூல் வயவுப் பெடை: “கடுஞ்சூல் வயவொடு கானலெய்தாது, கழனி யொழிந்த கொடுவாய்ப் பேடைக்கு” (நற். 263: 5-6.)
அன்றிற் பெடை சேவலை யழைத்தல்: “அன்றிற் பேடை யரிக்குரலழைஇச், சென்றுவீழ் பொழுது சேவற் கிசைப்ப” (மணி. 5:127:8.)
5. மன்றம் போழ்தல்: குறுந். 346:3.
தேர்மணி: குறுந். 275:8; அகநா. 4:12.
4-6. தலைவன் தேர் பானாளில் வருதல்: குறுந். 311:3-7.
8. தலைவி துஞ்சாமை: குறுந். 6:4, ஒப்பு.
(301)