திரை இமிழ் இன் இசை அளைஇ, அயலது

முழவு இமிழ் இன் இசை மறுகுதொறு இசைக்கும்

தொண்டி அன்ன பணைத் தோள்,

ஒண் தொடி, அரிவை என் நெஞ்சு கொண்டோளே!

எல் வளை நெகிழ, மேனி வாட,

பல் இதழ் உண்கண் பனி அலைக் கலங்க,

துறந்தோன் மன்ற, மறம் கெழு குருசில்;

அது மற்று உணர்ந்தனை போலாய்

இன்னும் வருதி; என் அவர் தகவே?

மை அறு சுடர் நுதல் விளங்க, கறுத்தோர்

செய் அரண் சிதைத்த செரு மிகு தானையொடு

கதழ் பரி நெடுந் தேர் அதர் படக் கடைஇச்

சென்றவர்த் தருகுவல் என்னும்;

நன்றால் அம்ம, பாணனது அறிவே!

வலம்புரி உழுத வார் மணல் அடைகரை

இலங்கு கதிர் முத்தம் இருள் கெட இமைக்கும்

துறை கெழு கொண்க! நீ தந்த

அறைபுனல் வால் வளை நல்லவோ தாமே?

இலங்கு வளை தெளிர்ப்ப அலவன் ஆட்டி,

முகம் புதை கதுப்பினள், இறைஞ்சி நின்றோளே

புலம்பு கொள் மாலை மறைய

நலம் கேழ் ஆகம் நல்குவள் எனக்கே.