அம்ம வாழி, தோழி! மகிழ்நன்

நயந்தோர் உண்கண் பசந்து, பனி மல்க

வல்லன் வல்லன் பொய்த்தல்;

தேற்றான், உற்ற சூள் வாய்த்தல்லே.

அம்ம வாழி, தோழி! மகிழ்நன்

தன் சொல் உணர்ந்தோர் அறியலன் என்றும்

தண் தளிர் வௌவும் மேனி,

ஒண் தொடி முன்கை, யாம் அழப் பிரிந்தே.

அம்ம வாழி, தோழி! ஊரன்

வெம் முலை அடைய முயங்கி, நம் வயின்

திருந்து இழைப் பணைத்தோள் நெகிழ,

பிரிந்தனன் ஆயினும், பிரியலன் மன்னே.

'அம்ம வாழி, தோழி! மகிழ்நன்

ஒண் தொடி முன்கை யாம் அழப் பிரிந்து, தன்

பெண்டிர் ஊர் இறைகொண்டனன்' என்ப

கெண்டை பாய்தர அவிழ்ந்த

வண்டு பிணி ஆம்பல் நாடு கிழவோனே.

அம்ம வாழியோ, மகிழ்ந! நின் மொழிவல்:

பேர் ஊர் அலர் எழ, நீர் அலைக் கலங்கி,

நின்னொடு தண் புனல் ஆடுதும்;

எம்மொடு சென்மோ; செல்லல், நின் மனையே.

கதிர் இலை நெடு வேல் கடு மான் கிள்ளி

மதில் கொல் யானையின், கதழ்பு, நெறி வந்த,

சிறை அழி புதுப்புனல் ஆடுகம்;

எம்மொடு கொண்மோ, எம் தோள் புரை புணையே.

'புதுப் புனல் ஆடி அமர்த்த கண்ணள்,

யார் மகள், இவள்?' எனப் பற்றிய மகிழ்ந!

யார் மகளாயினும் அறியாய்;

நீ யார் மகனை, எம் பற்றியோயே?

குருகு உடைத்து உண்ட வெள் அகட்டு யாமை

அரிப்பறை வினைஞர் அல்குமிசைக் கூட்டும்,

மலர் அணி வாயில் பொய்கை, ஊர! நீ

என்னை 'நயந்தனென்' என்றி; நின்

மனையோள் கேட்கின், வருந்துவள் பெரிதே.

வெண் தலைக் குருகின் மென் பறை விளிக் குரல்

நீள் வயல் நண்ணி இமிழும் ஊர!

எம் இவண் நல்குதல் அரிது;

நும் மனை மடந்தையொடு தலைப்பெய்தீமே.

பகன்றைக் கண்ணி பல் ஆன் கோவலர்

கரும்பு குணிலா மாங்கனி உதிர்க்கும்

யாணர் ஊர! நின் மனையோள்

யாரையும் புலக்கும்; எம்மை மற்று எவனோ?

வண் துறை நயவரும் வள மலர்ப் பொய்கைத்

தண் துறை ஊரனை, எவ்வை எம் வயின்

வருதல் வேண்டுதும் என்பது

ஒல்லேம் போல், யாம் அது வேண்டுதுமே.

அம்ம வாழி, பாண! எவ்வைக்கு

எவன்? பெரிது அளிக்கும் என்ப பழனத்து

வண்டு தாது ஊதும் ஊரன்

பெண்டு என விரும்பின்று, அவள்தன் பண்பே.

மகிழ்நன் மாண்குணம் வண்டு கொண்டனகொல்?

வண்டின் மாண்குணம் மகிழ்நன் கொண்டான்கொல்?

அன்னது ஆகலும் அறியாள்,

எம்மொடு புலக்கும், அவன் புதல்வன் தாயே.

கண்டிகும் அல்லமோ, கொண்க! நின் கேளே?

முண்டகக் கோதை நனைய,

தெண் திரைப் பௌவம் பாய்ந்து நின்றோளே!

கண்டிகும்அல்லமோ, கொண்க! நின் கேளே?

ஒள் இழை உயர் மணல் வீழ்ந்தென,

கண்டிகும்அல்லமோ, கொண்க! நின் கேளே?

ஒண் நுதல் ஆயம் ஆர்ப்ப,

கண்டிகும்அல்லமோ, கொண்க! நின் கேளே?

வண்டற் பாவை வௌவலின்,

கண்டிகும்அல்லமோ, கொண்க! நின் கேளே?

தெண் திரை பாவை வௌவ,

கண்டிகும்அல்லமோ, கொண்க! நின் கேளே?

உண்கண் வண்டினம் மொய்ப்ப,

கண்டிகும்அல்லமோ, கொண்க! நின் கேளே?

தும்பை மாலை இள முலை

கண்டிகும் அல்லமோ, கொண்க! நின் கேளே?

உறாஅ வறு முலை மடாஅ,

,,,,,,,,,,,,,,,,,,,,,,

,,,,,,,,,,,,,,,,,,,,,,

,,,,,,,,,,,,,,,,,,,,,,

,,,,,,,,,,,,,,,,,,,,,,

,,,,,,,,,,,,,,,,,,,,,,

,,,,,,,,,,,,,,,,,,,,,,