:: TVU ::

நூல் 1. புண்ணுமிழ் குருதி
11	வரைமருள் புணரி வான்பிசி ருடைய வளிபாய்ந் தட்ட துளங்கிருங் கமஞ்சூல் நளியிரும் பரப்பின் மாக்கடன் முன்னி அணங்குடை யவுண ரேமம் புணர்க்குஞ்¹
5	சூருடை முழுமுத றடிந்த பேரிசைக் கடுஞ்சின விறல்வேள் களிறூர்ந் தாங்குச் செவ்வா யெஃகம் விலங்குந ரறுப்ப வருநிறந் திறந்த புண்ணுமிழ் குருதியின் மணிநிற விருங்கழி நீர்நிறம்² பெயர்ந்து
10	மனாலக் கலவை போல வரண்³ கொன்று முரண்மிகு சிறப்பி னுயர்ந்த வூக்கலை பலர்மொசிந் தோம்பிய வலர்பூங் கடம்பின்⁴ கடியுடை முழுமுத றுமிய வேஎய்⁵ வென்றெறி முழங்குபணை செய்த வெல்போர் நாரரி நறவி னார மார்பிற் போரடு தானைச்⁶ சேர லாத மார்புமலி பைந்தா ரோடையொடு விளங்கும் வலனுயர் மருப்பிற் பழிதீர் யானைப் பொலனணி யெருத்த மேல்கொண்டு பொலிந்தநின்
20	பலர்புகழ் செல்வ மினிதுகண் டிகுமே கவிர்ததை சிலம்பிற் றுஞ்சுங் கவரி பரந்திலங் கருவியொடு நரந்தங் கனவும் ஆரியர் துவன்றிய பேரிசை யிமயம் தென்னங் குமரியொ டாயிடை
25	மன்மீக் கூறுநர் மறந்தபக் கடந்தே.⁷
1. ஏமம் புணர் காக்கும் - பாடம்.2.நீனிறம் - பாடம்.3. போலரண்- பாடம்.4.திரள்பூங் கடம்பின் - பாடம்.5.வோஒய்- பாடம். 6. வேலீண்டு தானை - பாடம். 7. மதந் தபக் கடந்தே -பாடம்.