:: TVU ::

வஞ்சித்தூக்கு வந்ததென வறிக. பிறாண்டும் இவ்வாறு வருவனவற்றை அமைத்துக்கொள்க. 4. சான்றோர் மெய்ம்மறை
14.	நிலநீர் வளிவிசும் பென்ற நான்கின் அளப்பரியையே நாள்கோ டிங்கண் ஞாயிறு கனையழல் ஐந்தொருங்கு¹ புணர்ந்த விளக்கத் தனையை
5	போர்தலை மிகுத்த வீரைம் பதின்மரொடு துப்புத் துறைபோகிய துணிவுடை யாண்மை அக்குர னனைய கைவண் மையையே அமர்கடந்து மலைந்த தும்பைப் பகைவர் போர்பீ டழித்த செருப்புகன் முன்ப
10	கூற்று வெகுண்டுவரினு மாற்று² மாற் றலையே எழுமுடி கெழீஅய திருஞெம ரகலத்து நோன்புரித் தடக்கைச் சான்றோர் மெய்ம்மறை³ வானுறை மகளிர் நலனிகல் கொள்ளும் வயங்கிழை கரந்த வண்டுபடு கதுப்பின்⁴
15	ஒடுங்கீ ரோதிக் கொடுங்குழை கணவ நுடங்கும் பல்களிற்றுத் தொழுதியொடு வெல்கொடி படையே ருழவ பாடினி வேந்தே இலங்குமணி மிடைந்த பொலங்கலத் திகிரிக் கடலக வரைப்பினிப் பொழின்முழு தாண்டநின்
20	முன்றிணை முதல்வர் போல நின்றுநீ கெடாஅ நல்லிசை நிலைஇத் தவாஅலிய ரோவிவ் வுலகமோ டுடனே.
துறை : செந்துறைப்பாடாண்பாட்டு. வண்ணம் : ஒழுகுவண்ணமும், சொற்சீர்வண்ணமும். தூக்கு : செந்தூக்கு. பெயர் : சான்றோர் மெய்ம்மறை. 1.வந்தொருங்கு - பாடம். 2.வரினும்பாற்று - பாடம். 3.மேமறை - பாடம். 4.வண்டுபடு துப்பின் - பாடம்.