:: TVU ::

அவைதாம், சுடர்வீ வேங்கை, தசும்பு துளங்கிருக்கை, ஏறாவேணி, நோய்தபு நோன்றொடை, ஊன்றுவை யடிசில், கரைவாய்ப் பருதி, நன்னுதல் விறலியர், பேரெழில் வாழ்க்கை, செங்கை மறவர், வெருவருபுனற்றார். இவை பாட்டின் பதிகம். பாடிப் பெற்ற பரிசில் : உம்பற்காட்டு வாரியையும் தன் மகன் குட்டுவன் சேரலையும் கொடுத்தான் அக் கோ. கடல்பிறக் கோட்டிய செங்குட்வன் ஐம்பத்தையாண்டு வீற்றிருந்தான். 1. சுடர்வீ வேங்கை
41.	புணர்புரி நரம்பின் தீந்தொடை பழுனிய வணரமை நல்யா ழிளையர் பொறுப்பப் பண்ணமை முழவும் பதலையும் பிறவும் ¹கண்ணறுத் தியற்றிய தூம்பொடு சுருக்கிக்
5	காவிற் ²றகைத்த துறைகூடு கலப்பையர் கைவ லிளையர் கடவுட் பழிச்ச மறப்புலிக் குழூஉக்குரல் செத்து வயக்களிறு வரைசேர் பெழுந்த சுடர்வீ வேங்கைப் பூவுடைப் பெருஞ்சினை வாங்கிப் பிளந்துதன்
10	மாயிருஞ் சென்னி யணிபெற மிலைச்சிச் சேஎ ருற்ற செல்படை மறவர் தண்டுடை வலத்தர் போரெதிர்ந் தாங்கு வழையமல் வியன்காடு சிலம்பப் பிளிறும் மழைபெயல் மாறிய கழைதிரங் கத்தம்
15	ஒன்றிரண் டலபல ³கழிந்து திண்டேர் வசையி னெடுந்தகை காண்குவந் திசினே தாவ லுய்யுமோ மற்றே தாவாது வஞ்சின முடித்த வொன்றுமொழி மறவர் முரசுடைப் பெருஞ்சமத் தரசுபடக் கடந்து
20	வெவ்வ ரோச்சம் பெருகத் தெவ்வர் மிளகெறி யுலக்கையி னிருந்தலை யிடித்து வைகார்ப் பெழுந்த மைபடு பரப்பின்
1.கண்ணுறுத்து - பாடம் 2. தசைத்த - பாடம் 3. கடந்து - பாடம்