துறை : காட்சி வாழ்த்து.
வண்ணம் : ஒழுகு வண்ணம்.
தூக்கு : செந்தூக்கு.
பெயர் : புலாஅம்பாசறை. 1 - 8. பலாஅம் ................. பாரி உரை : பலாஅம் பழுத்த பசும்புண் அரியல் - பலாமரத்திலே
பழுத்து வெடித்த பழத்தின் வெடிப்பிலிருந்தொழுகும் தேனை;
வாடை துரக்கும் - வாடைக்காற்று எறியும் ; நாடு கெழு பெருவிறல் -
பறம்பு நாட்டிற் பொருந்திய பெரிய விறல் படைத்தவனும் ; ஓவத்
தன்ன வினை புனை நல்லில் - ஓவியத்தில் எழுதியது போன்ற
வேலைப்பாடமைந்த நல்ல மனையின் கண்ணே இருக்கும் ; பாவை
யன்ன நல்லோள் கணவன் - பாவை போன்ற நல்ல அழகும் நலமும்
உடையாட்குக் கணவனும் ; பொன்னின் அன்ன பூவின் சிறியிலை -
பொன் போலும் நிறமுடைய பூவினையும் |