(வி - ம்.) முகில் மலைமாலையை முற்றுபு அதன் கல் குறைபட
நீரை எறிந்து, யானைக் கோட்டின் கறையைக் கழுவிற்று என்க. உரு
மேற்றினம் என மாறுக; இடியேற்றுத்திரள். உடலுதல் - சினத்தல். முற்றுபு
- முற்றி. சூழ்ந்து. மலைமாலை - மலை ஒழுங்கு. அழி - மிக்க. கறை -
களங்கம். புலியைப் போழ்ந்தமையாலே உண்டான கறை என்க.
மழைத்துளியின் விசைமிகுதி கூறுவார் கறைகழீயிஇன்று என்றார். மழை
மிகுதி கூறுவார், கடல் குறைபடுத்த நீர் என்றார். பெரிய கடலும்
வற்றும்படியாக முகக்கப்பட்ட மிக்கநீர் என்றவாறு. கழீஇயின்று -
கழுவிற்று.
(பரிமே.) பூநுதல் - புகர்நுதல். அழிகறை - இகப்பரிய
கறை.
6 - 11: காலை . . . . . . . . . வையை
(இ-ள்.) வையை - வையையாறு; வான் காலை கடல் படிந்து
-
மேகம் காலைப்பொழுதிலே கடலிலே படிந்து அது குறைபட முகந்த
நீரோடு, காய் கதிரோன் போய வழி - சுடா நின்ற ஞாயிறு போனவழியே
மேலைத்திசையிற்போய், மாலை மலைமணந்து - மாலைப்பொழுதிலே
மலையை அடைந்து, மண் துயின்ற கங்குலான் - இம் மண்ணுலகத்து
வாழும் உயிரினமெல்லாம் உறங்காநின்ற இராப்பொழுதெல்லாம்
தானுறங்காதே, ஆற்றும் மழை தலைஇ - வழங்கிய மழைபெய்தலாலே
அந் நீரினோடு, மரன் ஆற்றும் மலர் நாற்றம் - மரங்கள் தரும் மலர்
மணமும், மலர் ஆற்றும் தேன் - மலர்கள் தரும் தேன் மணமும்,
செறு வெயில் உறுகால கான் ஆற்றும் கார் நாற்றம் - சினந்து சுடும்
வெயிலையும் மிக்க காற்றையும் உடையவாகிய காடுகள் தரும் வெங்கார்
மணமும், கொம்பு உதிர்த்த கனி நாற்றம் - மரக்கொம்புகள் உதிர்த்த
கனிகளின் மணமும், நாற்றம் உடன் கலந்து தழீஇ வந்து தான் தரூஉம்
- ஆகிய இம் மணங்களை ஒருசேரக் கலந்து கொணர்ந்துவந்து தான்
பிறர்க்குக் கொடாநின்றது;
(வி-ம்.) வான் தரும் மழை பெய்தலால் வையை மலர்
முதலியவற்றின் மணங்களை ஒருங்கே கலந்து கொணர்ந்து தான்
பிறர்க்குக் கொடாநின்றது என்க.
காய்கதிரோன்: வினைத்தொகை. கதிரோன் போயவழி
என்றது
மேற்றிசையை எனவே, கடல் குணகடல் என்பது பெற்றாம். மலை -
சையமலை. மணந்து - சேர்ந்து. மண் - உயிர்கள்: ஆகுபெயர். தலைஇ
- பெய்து; இவ் வெச்சத்தைச் செயவெனெச்சமாக்குக. கங்குலான் -
இரவின்கண்: உருபுமயக்கம். ஆற்றுதல் - தருதல். மரன் - மரம். மலர்
ஆற்றும் தேன் என மாறுக. செறுவெயில்: வினைத்தொகை; சுடும்
வெயில் என்க. உறு - மிகுதி. கால - காற்றையுடையவாகிய. இதனால்
முதுவேனிற் பருவத்திறுதியிற் பெய்த மழை என்பது பெறப்பட்டது.
என்னை? முறுகிய வெயிலானும் பெருங் காற்றானும் சுட்டலைக்கப்பட்ட
காடு என்றமையான் என்க. இஃது |
|
|
|