¹இவர்கள் முன்னர்க் களவொழுக்கம் ஒழுகியவாறும் அக்காலத்து அவன் புதியனாக நடித்தவாறும் இவள் ஒடுங்கியிருந்தவாறும் பிறர் அறியாராதலின், இத்தாழிசைகள் “பொழுது மாறுங் காப்புமென் ²றிவற்றின்” என்னும் (1) பொருளியற் சூத்திரத்திற் கூறிய ³காப்பின் வழுவுணர்த்தியன.

இதனால், தலைவற்குச் ⁴சூழ்ச்சி பிறந்தது.

“ஏவன்மரபி னேனோரும்” என்னும்(2) சூத்திரத்தில் நால்வகை வருணத்தாருங் களவொழுக்கத்திற்கு உரியரென்றலின்(3) அந்தணன் களவொழுக்கங் கூறினார்.

இது தரவும் ⁵தாழிசையென்றற்குஞ் சிறிதுபொருந்திய இடைநிலைப் பாட்டும் தனிச்சொல்லும் சுரிதகமும் பெற்ற ஒத்தாழிசைக்கலி. (16)

1. தொல். பொருளி. சூ. 16. இச்சூத்திரவுரையில், “ஈர்ந்த ணாடையை..................ஏனல்கா வலரே” என்பதனைக் காப்பான் வழுவுணர்த்தியதற்கு மேற்கோள்காட்டி....................அன்புபற்றிக்கூறலின் அமைந்ததென்பர், நச்.

2. தொல். அகத். சூ. 24. இதன்பக்கம், 316: 1. (ஆ) குறிப்புப்பார்க்க.

3. (அ) “பங்கயத்துப் பரத்துவன்” கம்ப. மீட்சி. 242. (ஆ) “செங்கமலப், படலை சூடிய பழமறை யந்தணர்க் கெல்லாம்” பாக. (10) சிசுபாலனை. 7. என அந்தணர்க்குத் தாமரைக்கண்ணி கூறப்படுதல் காண்க.

(பிரதிபேதம்)¹ இவர்களவொழுக்கம், ²இவற்றுள், ³காப்பினான்வழு, ⁴சூட்சி, ⁵ தாழிசைக்குஞ் சிறிது.