எ - து: "தம்முறு விழுமம் பரத்தையர் கூறினு, மெய்ம்மையாக வவர்வயினுணர்ந்து, தலைத்தாட் கழறறம் ²மெதிர்பொழு தின்றே, மலிதலு மூடலு மவையலங் கடையே" (3) என்பதனாற் பரத்தையர் முன்னரன்மையின் மலிதலும் ஊடலும் ³நிகழ்த்துதலைக்கழறினாள், நின்னைக் காணில் என்னை உன்னிடத்தே செலுத்தித் தானும் நின்னிடத்தே ⁴தங்கி வருந்துநெஞ் சென்று சொல்லப்படுந் தம்மோடு ஒன்றாய் வாழப்படுகின்ற உட்பகையை யுடையார்க்கு முன்னர் எம்மை நின்மேல் வீழ்வித்த நின் மார்பைக் கூடக் கடவேமல்லேமென்று ⁵கருதும் (4) நிறையென்னுங் குணத்தையும் பெறுதலெளிதோ? அஃது அரிதன்றோ? என ஊடறீர்ந்தாள். எ - று.

இடையும் ⁶நெஞ்சென்க. நிறையுமென்னும் உம்மை, சிறப்பு.

இதனால், தலைவிக்குப் புணர்ச்சியுவகை பிறந்தது.

⁷"அருண்முந் துறுத்த வன்புபொதி கிளவி, பொருள்பட மொழிதல் கிழவோட்கு முரித்தே," (5) என்பதனால் ⁸'வாராமற் பெறுகற்பின்' என்ற தலைவி 'நிற்காணிற் கடவுபு கைத்தங்கா நெஞ்சு' என அவனாற்றாமை கண்டருளி நெஞ்சு ஏவல் ⁹செய்ததென வேறோர் பொருள்பயப்பத் தன் அன்பினைக் கரந்தவாறு காண்க.

இது வெள்ளைச் சுரிதகத்தா லிற்ற ஒத்தாழிசைக்கலி. (12)

1. பெயரெச்ச வினைத்திரி சொல்லுக்கு, 'கடைஇய நின் மார்பு' என்பது மேற்கோள்; தொல். எச்ச. சூ. 61. நச்.

2. (அ) "அவர்நெஞ் சவர்க்காதல் கண்டு மெவனெஞ்சே, நீயெமக் காகாதது" குறள். 1291. என்பதும் (ஆ) "அறைபோகு நெஞ்சுடை யார்க்கு" (கலி. 67 : 21) என்பதும் அதன் குறிப்பும் பார்க்க.

3. தொல். பொருளி. சூ. 41. இச்சூத்திரத்தின் இவருரையில் ''பொன்னென. .....................உரையாமற் பெறுகற்பின்'' என்பதுமேற்கோளாக ‘இது பரத்தையர் முன்னரன்மையின் மலிதலும் ஊடலும் நிகழ்ந்து தலைத்தாட்கழறியது’. என்னும் திருத்தமான குறிப்புக் காணப்படுகின்றது.

4. இந்நூற் பக்கம் 419 : 6-ஆம் குறிப்புப் பார்க்க.

5. தொல். கற்பி. சூ. 20. இச்சூத்திரத்தின் இவருரையிலும் இப்பாட்டு மேற்கோளாக இக்குறிப்பு, சிறிது வேறுபடக் குறிக்கப்பெற்றுள்ளது.

(பிரதிபேதம்) ¹தடைஇய, ²எதிர்ப்பொழுது, ³நிகழத்துத்தலைக்கழறினாள், ⁴தங்கியிருந்து நெஞ்சென்று, ⁵கருதுமிடைநிறை, ⁶நெஞ்செனக் கூட்டுக, ⁷அருளெழுந்துறுத்த, ⁸வாராமை பெறுகற்பின், ⁹செய்ததென வென்றோர்.