நின் மனத்தால் நினைந்துபார்; இவள் தான் தன்பகைவனோடு 1சினந்த அரசன் அவன் எயிற்புறத்தே சென்றுவிட்டவினையால் (1) உழிஞையானுக்குவந்த வருத்தம்போலே வரைவு கடிதின்முடிதற்கு விரைதல் வரும் நெஞ்சத்தாலே பெரிதும் வருந்தினாள்; இனி அவ்வருத்தம் நீங்கும்படி கடிதின் வரைவாயாக என வரைவுகடாயினாள். எ - று. இதனால், தலைவற்கு அசைவுபிறந்தது. (2) இது சிறுமைக்கு எல்லைகூறிய நான்கடியாயின்றி மூன்றடியான்வந்த தரவும் நான்கடித்தாழிசை இரண்டும் 2ஆசிரியச்சுரிதகமும் வந்தமையால் யாப்பின் வேறுபட்ட 3பாநிலைவகைக் கொச்சகம். (32) | (150). | அயந்திகழ் நறுங்கொன்றை யலங்கலந் தெரியலா
னியங்கெயி லெயப்பிறந்த வெரிபோல வெவ்வாயுங்
கனைகதிர் தெறுதலிற் கடுத்தெழுந்த காம்புத்தீ
மலைபரந்து தலைக்கொண்டு முழங்கிய முழங்கழன்
மயங்கதர் மறுகலின் மலைதலைக் கொண்டென
விசும்புற நிவந்தழலும் விலங்கரு வெஞ்சுரம்; | | 7. | இறந்துதா மெண்ணிய வெய்துதல் வேட்கையா
லறந்துறந் தாயிழா யாக்கத்திற் பிரிந்தவர்;
பிறங்குநீர் சடைக்கரந்தா னணியன்ன நின்னிறம்
பசந்துநீ யினையையாய் நீத்தலு நீப்பவோ; | | 11. | கரிகாய்ந்த கவலைத்தாய்க் கல்காய்ந்த காட்டகம்
வெருவந்த வாறென்னார் விழுப்பொருட் ககன்றவ
ருருவவேற் றூர்தியா னொள்ளணிநக் கன்னநின்
னுருவிழந் தினையையா யுள்ளலு முள்ளுபவோ; | | 15. | கொதித்துராய்க் குன்றிவர்ந்து கொடிக்கொண்ட கோடையா
லொதுக்கரிய நெறியென்னா ரொண்பொருட் ககன்றவர் |
1. இந்நூற்பக்கம் 871 : 6 -ஆம் குறிப்புப்பார்க்க. 2. இச்செய்யுளை இளம்பூரணர் தரவின்றாகித் தாழிசைபெற்றுவரும் கொச்சகவொருபோ கென்றுகூறி, "நிரைதிமில்..........சேர்ப்பகேள்’ இது நான்கடியாகி வாராமையிற் றாழிசையாயிற்று. கற்பித்தான்.............. விடாதேகாண்’ ‘கேளிர்கள்............விடாதே காண்' இவையிரண்டும் தாழிசை. 'ஆங்கு,...........................பெரிதே’ இது சுரிதகம்’’ என்று விளக்குவார்; தொல். செய். சூ. 142. ‘தரவின் றாகித்’. (பிரதிபேதம்)1சினத்தஅரசன், 2ஐயடிச்சுரிதகமும், 3பாவகை நிலைக் கொச்சகம்.
|