இடமும்   இல்லை என்பதால்; குன்று  ஓங்கு  தோளோர் -  மலை
போன்ற தோள்களை உடைய அந்நகரத்து ஆண்களின்; குணம் கூட்டு
இசைக்  குப்பை  என்ன-  சிறந்த  குணங்களுடன் கூடிய நட்புள்ளம்
புகழ்த்  தொகுதி  ஆகிய  நல்ல  பண்புகள்  உயர்ந்திருப்பது  போல;
ஓங்கல்  நாண  உயர்ந்தோங்கின-  வாயில் மதில்  ஆகியவைகளின்
உயரத்தைக் கண்டு மலையும் நாணுமாறு உயர்ந்து விளங்கின.

‘இஞ்சி ஒன்றோடிரண்டு’ என்பதற்கு அக நகர். இடை நகர். புறநகர்
மதில்கள்  மூன்று  என்பது  கருத்து.  கூட்டு:  நட்பு.  இசைக்குப்பை:
புகழ்த்  தொகுதி.  ஓங்கல்:  மலை.  இஞ்சி:  மதில்.  70. 71. இரண்டு
பாடல்களாலும்    கொடிகளும்.   தோரண   வாயிலும்   சிறப்பித்துக்
கூறப்பட்டன.                                            71
 

காடும்   புனமும்  கடலன்ன  கிடங்கும் - அந்நகரைச் சூழ்ந்த
காடுகளிலும் கொல்லைகளிலும் கடல் போன்ற அகழியின் ஓரங்களிலும்;
மாதர்    ஆடும்  குளனும் -   பெண்கள்    நீர்    விளையாடும்
தடாகங்களிலும்;அருவிச்    சுனைக்  குன்றும் -   அருவிகளையும்.
சுனைகளையும்   உடைய   மலைகளிலும்;   உம்பர் வீடும்-  மேல்
வீடுகளிலும்;   விரவும்   மணப்பந்தரும் -  பற்பல   இடங்களிலும்
விரவியுள்ள  முத்துப்   பந்தர்களிலும்;   வீணை  வண்டும்  பாடும்
பொழிலும் -  வீணை    போல   வண்டுகள்   ரீங்காரம்   செய்யும்
சோலைகளிலும்;   மலர்ப்பல்லவப்   பள்ளி   மன்னும்-   (ஆகிய
இடங்களிலெல்லாம்)   மலர்களாலும்   தளிர்களாலும்   அமைந்துள்ள
படுக்கைகள் நிலைத்திருக்கும்.

அந்நகரத்தில்     வாழ்பவர்களின் செல்வச் செருக்கையும் கவலை
இல்லாமையையும்.  களிப்பின்  மிகுதியையும்  காட்டி  நிற்கும் பாட்டு
இது.  வீறு  கோள்  அணியாகும்.  மாதர்:  அழகு-  பண்பாகு பெயர்
(பெண்களை  உணர்த்தி  நின்றது). பல்லவம்: இளந்தளிர்.  உம்பர்வீடு:
மேன்மாடி. மன்னோ: அசை.                               72
 

தெள்வார் மழையும் திரை ஆழியும் உட்க  - தெளிந்த நீரைத்
தரும் மேகங்களும் அலைகளை உடைய கடலும் அஞ்சும்படி; நாளும்