அயன்முதல்  மூவரும் அனையார்  -  (கதிரவன் உதயமானவுடன்)
பிரமன்  முதலாகிய  மும்மூர்த்திகளையும்  ஒத்தவராகிய விசுவாமித்திரன்
முதலான  மூவரும்;  அங்கு  நின்று  எழுந்து - அச்சோலையிலிருந்து
புறப்பட்டு;   செங்கண்  ஏற்றவன்  -  சிவந்த  கண்களைக்  கொண்ட
காளையை ஊர்தியாகவும் கொடியாகவும்   உடைய சிவனது; செறிசடைப்
பழுவத்தில்   -  அடர்ந்த  சடையாகிய  காட்டிலுள்ள;  நிறை  தேன்
பொங்கு -  நிறைந்த  தேனொடு  விளங்குகின்ற;  கொன்றை  ஈர்த்து
ஒழுகலால்  - பொன்னிறமுள்ள  கொன்றை மலரை இழுத்துக் கொண்டு
பெருகுவதாலே;    பொன்னியைப்  பொருவும் - (பொன்னி என்னும்
பெயரொடு  பொன்னைக்   கொழிந்து வரும்)  காவிரி நதியை ஒத்துள்ள;
கங்கை  என்னும்  -  கங்கை என்கிற; அக்கரை பொரு - அந்த இரு
கரைகளிலும்  மோதுகின்ற;  திருநதி கண்டார் - அழகும் மேன்மையும்
மிக்க ஆற்றைக் கண்டனர்.  

காவிரி  - கங்கை: திருமாலின் பரம பதத்திற்கு அருகிலுள்ள விரசை
நதிபோல  விளங்குவது காவிரி. இது நிலவுலகில்  திருவரங்கத்தின்  இரு
பக்கங்களிலும்  மாலைபோலச்  சூழ்ந்துள்ளது.   இத்தகைய சிறப்புடைய
காவிரி  கங்கைக்கு  உவமையாயிற்று.  அயன்   முதல்  மூவர்:  பிரம்ம
ரிஷிப்  பட்டத்தை  அரிய  முயற்சியால்  பெற்ற  விசுவாமித்திரனுக்குப்
பிரமனும். திருமாலின்  அவதாரச்சிறப்புடைய   இராமனுக்கு வி்ஷ்ணுவும்.
மிக்க கோபமுள்ள இலக்குவனுக்கு அழிக்குங்  கடவுளான  உருத்திரனும்
உவமையாயினர்.                                            5

                                        மிதிலை நாடு சேரல்
   

பங்கயப்   பழனம்  -  தாமரைகளையுடைய  வயல்களிலே; பள்ளி
நீங்கிய -  அப்போதுதான்  உறக்கம்  நீங்கிய;  நல்  நாரை  - நல்ல
நாரைகள்;  வெள்ள  வான்களை  -  நீ்ர்  பெருக்கிலே தோன்றுகின்ற
நீண்ட  களைகளை;   களைவுறும்   -   பறிக்கின்ற;  கடைசியர்   -
உழத்தியரின்; மிளிர்ந்த  -  பிறழுகின்ற;  கள்ள வாள் நெடுங்கண் -
(ஆண்களின் உள்ளத்தை மயக்கும்) ஒளியுள்ள கண்களின்;