11. குலமுறை கிளத்து படலம்

படல     அமைப்பு:   ?சூரிய    குலத்தவர்களது   பெருமையைக்
கோசிகமுனிவன்   சனக   மன்னனுக்குக்     கூறுகின்ற   செய்தியைச்
சொல்லும் பகுதி என்று பொருள்.

படலச் சுருக்கம்:

இராம     லக்குவரின்    குலமரபைக்   கோசிக  முனிவன்  சனக
மன்னனிடம்  மொழிகின்றான்;    தயரதனின்  மகப்பேற்று  வரலாற்றை
உரைக்கின்றான்;  அம்மன்னனின்  குமரர்கள்   கல்வி  கற்ற வரலாற்றை
எடுத்துக்  கூறுகிறான்;  பின்.    இராமன்  வேள்வி  காத்த  திறத்தைச்
சொல்கிறான்;   அந்த   இராமனது   வில்லாற்றலைப்  பாராட்டுகிறான்;
அகலிகைக்கு முன்னயை வடிவத்தைத் தந்த இராமனது பெருமையைப்
பேசுகிறான்.

                 இராம-இலக்குவரின் குலமரபை முனிவன் மொழிதல்
 

ஆதித்தன்    குலம்  -  சூரிய  வமிசத்தில்  பிறந்த;  முதல்வன்
மனுவினை   -   முதல்    மைந்தனான  மனு  என்னும்  மன்னனை;
அறியாதார்  யார்  -  (உலகத்தில்)  அறியாதவர்  எவர் (எல்லோரும்
அறிவர்);  பேதித்த  உயிர்  அனைத்தும் -  பல்வேறு  வகைப்பட்ட
உயிர்த்  தொகுதிகள்  எல்லாம்; பெரும்பசியால் வருந்தாமல் - மிக்க
பசியால்  நலியாதபடி; சோதித் தன் வரிசிலையால் - ஒளிமிக்க தனது
கட்டமைந்த  வில்லால்;  நில மடந்தை  -  பூமியாகிய பெண்; முலை
சுரப்ப  -  முலைப்பால் சுரக்குமாறு; சாதித்த - (செயற்கரிய செயலை)
முயற்சியால் செய்து முடித்த; பெருந் தகையும் - பெருமைக் குணம்