குலத்தின்    சிறந்த   மைந்தர்களாகிய;  இவர்தமக்கு - இவர்களுக்கு;
உள்ள   -  இருக்கின்ற;   பரிசு   எல்லாம்  -  சிறந்த  இயல்புகள்
முழுவதையும்;  நயந்து உரைத்து- விருப்பத்தோடு சொல்லி; கரை ஏற
-    (இவர்களின்    புகழ்க்   கடலினது)    கரையைச்   சேர்வதற்கு;
நான்முகற்கும்  -  பிரமனுக்கும்; அரிது  ஆம் - அரியதாகும்; யான்
அறிந்தபடி - (இருப்பினும்) அதை நான் அறிந்தபடி; கேளாய் - சிறிது
சொல்லக் கேட்பாயாக.

நான்கு     முகமுடைய  பிரமனுக்கும்  ஓரளவே உணர்த்தக் கூடிய
இராமலக்குவரது  வரலாற்றை ஒரு  முகமுடைய  மனிதனாகிய என்னால்
எவ்வாறு முழுதும் கூற இயலும்?                               13
 

துனி இன்றி-துன்பம் இல்லாமல்; உயிர் செல்ல -  (உலகத்திலுள்ள)
உயிர்கள்   யாவும்  வாழும்படி;  சுடர்  ஆழிப்  படை  - ஒளிமிக்க
திருமாலின்  சக்கரப்படை  போன்ற;  வெய்யோன்  -  சூரியன்; பனி
வென்றபடி  என்ன  -  பனியை  (எளிதாக ஒழித்து) வெற்றி கொண்ட
தன்மைபோல;  பகை  வென்று  - பகையரசர்களை (எளிதில்) வெற்றி
கொண்டு; படி காப்போன் - உலகத்தைக் காப்பவனும்; தனு அன்றி -
(தன்) கை வில்லை அல்லாமல்; துணை இல்லான் - வேறு துணையாக
(எதையும்  யாரையும்) விரும்பாதவனும்;  தருமத்தின்  கவசத்தான் -
தருமத்தையே  கவசமாகக்  கொண்டவனும்; மனுவென்ற  நீதியான் -
(அரச   தர்ம  சாத்திரங்களை  இயற்றிய)   மனுவையே  நீதிநெறியில்
வென்றவனும்   ஆகிய   தசரதன்;   மகவு இன்றி  வருந்துவான் -
குழந்தைப் பேறு இல்லாமல் மன வருத்தம் உற்றிருந்தான்.
 

சூரியன்     -  மன்னனுக்கும்.   பனி  -  பகைவர்க்கும்.  ஒளி  -
வில்லுக்கும்  உவமையாகும்.  தனுவன்றித்   துணையில்லான் - ஆற்றல்
மிக்க வீரன்.                                               14