அழகாலும்;    இவ் இருந்த - இங்கே அமர்ந்துள்ள; வள்ளலையே -
இந்த   இராமனையே;   அனையானை  -  ஒத்தவனுமாகிய;  பரதன்
என்னும்  பெயரானை  -  பரதன்  என்னும்  பெயருள்ள குமாரனை;
கேகயர்கோன்  மகள்  -  கேகய  நாட்டு மன்னன் மகளான கைகேயி;
பயந்தாள் - பெற்றெடுத்தாள்.

தமக்குத்     தாடகை முதலியோரால் நிகழ்ந்த துன்பத்தைப் போக்கி
இன்பம்  தந்தமையால் இராமனை விசுவாமித்திரன்  வள்ளல்  என்றான்.
நீதியாறுபுக  மண்டும்  பள்ளம்  ஆற்று நீர் நிறைந்த  கடல்போல் நீதி
நிரம்பினவன் எனலாம்.                                      21
 

அரு    வலிய-  (பிறரால் வெல்லுதற்கு)  அரிய  வலிமையுடைய;
திறலினர்   ஆய்  -  வெற்றியுடையவர்களாய்;  அறம்  கெடுக்கும்-
தருமத்தை   அழிக்கின்ற; விறல்   -   வன்மைமிக்க;   அரக்கர்  -
இராக்கதர்கள்   எல்லோரும்;   வெருவரு   -   அஞ்சத்தக்க;  திண்
திறலார்கள்- மிக்க வலிமையுடையவர்களும்; செம்பொன் பருவரையும்
-  சிவந்த  பொன்மயமான  பெரிய  மேரு  மலையும்; நெடுவெள்ளிப்
பருப்பதமும்  -  வெள்ளிமயமான  உயர்ந்த கைலாய  மலையும்; வில்
ஏந்தும்   எனின்   -   (கையில்   தனித்தனியே)  வில்லை  எடுத்து
நிற்குமாயின்;   போல்வார்கள்   -   (அவற்றை)  ஒப்பவர்களுமாகிய;
இருவரையும்  -  (இலக்குமணன்.  சத்துருக்கனன்  என்னும்)  இரண்டு
மைந்தர்களையும்;  இவ்  இருவர்க்கு  -  (கோசலை. கைகேயி ஆகிய)
இரண்டு    மனைவியர்க்கும்;   இளையாளும்   -   இளையவளாகிய
சுமித்திரையும்; ஈன்று எடுத்தாள் - பெற்றெடுத்தாள்.

இலக்குவன்   பொன்னிறத்தவன்: சத்துருக்கனன்  வெண்ணிறத்தவன்;
இருவரும்  வில்  ஏந்தும்  வீரர். ஆதலால் அவர்க்கு  முறையே  மேரு
மலையும். கைலாய மலையும் உவமையாகக் கூறப்பெற்றன.          22

                                  குமரர்கள் கல்வி கற்ற வரலாறு