:: TVU ::

460

பால காண்டம்

	ஆணையின் அடைந்த வில் அதனை. ஆண்தகை. நாண் இனிது ஏற்றினான்; நடுங்கிற்று உம்பரே!
பூண் இயல் - வாகு வலயங்களை அணிந்த; மொய்ம்பினன் - தோள்களையுடைய அக்குமாரன்; புனிதன் எய்த வில் - புனிதனான சிவன் கைக்கொண்டு எய்த வில்லை; காணிய வந்தனன் - காணும் பொருட்டு வந்துள்ளான்; என்ன - என்று (விசுவாமித்திரன்) சொல்ல; காவலன் ஆணையின் - சனக ராசனின் கட்டளையால்; அடைந்த - அங்கு வந்து சேர்ந்த; வில் அதனை - அந்த வில்லை (வளைத்து); ஆண் தகை - ஆண்மையுள்ளவனான அக்குமாரன்; இனிது நாண் ஏற்றினான் - மிக எளிதாக நாணேற்றினான்; உம்பர் நடுங்கிற்று - வானுலகும் நடுங்கியது. மொய்ம்பு - வலிமை வலிமை;கொண்ட தோளுக்காயிற்று. ‘பூந்தாது மொய்ம்பினவாக’- கலித். 88. 60
726.	‘மாத்திரை அளவில் தாள் மடுத்து. முன் பயில் “சூத்திரம் இது” என. தோளின் வாங்கினான்; ஏத்தினர் இமையவர்; இழிந்த. பூ மழை; வேத்தவை நடுக்குற முறிந்து வீழ்ந்ததே!
மாத்திரை அளவில்- ஒரு நொடிப்பொழுதில்; தாள் மடுத்து - (அவ்வில்லின் அடிப்பக்க முனையை) தன் காலால் மிதித்துக் கொண்டு; முன் பயில் சூத்திரம் - முன்பு பழகிய இயந்திரம்; இது என - இதுவெனக் (கண்டவர்) கருதுமாறு; தோளின் வாங்கினான் - (அந்த இராமன்) தன் தோள்வலியால் அதனை வளைத்தான் (அப்போது); இமையவர் - தேவர்கள்; ஏத்தினர் - (இராமனைப்) புகழ்ந்தார்கள்; பூ மழை - மலர் மழை; இழிந்த - (வானத்திலிருந்து) பொழிந்தது; வேந்து அவை - (அந்த வில்) அரச சபையினர்; நடுக்குற - நடுநடுங்கும்படி; முறிந்து வீழ்ந்தது - இடையே முறிந்து கீழே விழுந்து விட்டது. அவை - ஆகுபெயர். 61 சீதை தன் ஐயம் நீங்கலும் அகத்துள் உறுதி பூணலும்
727.	‘கோமுனியுடன் வரு கொண்டல்” என்ற பின். ‘தாமரைக் கண்ணினான்’ என்ற தன்மையால். ‘ஆம்; அவனேகொல்’ என்று. ஐயம் நீங்கினாள்; வாம மேகலையினுள் வளர்ந்தது. அல்குலே!