அன்னப் புள் என- அன்னப் பறவையைப் போல;   பாரில் செல்ல
-  நிலத்தில் நடந்து போக; தேனொடு - தேன் வண்டுகளும்; மிஞிறும்
-  மிஞிறுகளும்;  வண்டும் - மற்றை வண்டுகளும்; தும்பியும் - தும்பி
என்னும்  வண்டுகளும்;  தொடர்ந்துசெல்ல  - பின் தொடர்ந்து போக;
பூநிறை கூந்தல் மாதர் - மலர்கள் நிறைந்த கூந்தலை யுடைய மகளிர்;
புடை  -  பக்கங்களின்;  பிடி  நடையில் போனார் - பெண் யானை
போன்ற நடையிலே நடந்து சென்றார்கள்.

குறளர்:  குள்ளர். சிந்தர்: குறளரைக் காட்டிலும் சிறிது பெரியவர்கள்.
வண்டும்   தேனும்   நல்மணமுடைய  பூக்களில்  படியும்;   தும்பியும்
மிஞிறும் எல்லா     மணத்திலும்     செல்லக்     கூடியன   என்பர்
நச்சினார்க்கினியர் (சீவக. 893 உரை)                           68
 

முகிழ்    மென் கொங்கை - தாமரை அரும்பு போன்ற மெல்லிய
தனங்களை  யுடையவரும்; செப்ப அரு திருவின் நல்லார் - சொல்ல
முடியாத    படி   திருமகளைக்    காட்டிலும்    அழகுள்ளவர்களும்;
முப்பதிற்று  இரட்டி ஆயிரம் - அறுபதினாயிரம் என்னும் எண்ணை;
கொண்ட  -   கொண்டவர்களும்; தெரிவையர்  -  ஆகிய  மகளிர்;
துப்பினின்  -  பவளங்களினாலும்; மணியின் - இரத்தினங்களினாலும்;
பொன்னின் -  பொன்னாலும்;  சுடர்  மரகதத்தின் - ஒளி விடுகின்ற
மரகதத்தாலும்;  முத்தின்  - முத்துக்களாலும்; ஒப்பு அற அமைத்த -
(தமக்கு  வேறு  பொருள்)  நிகரில்லை என்னுமாறு   இயற்றப்பட்டுள்ள;
வையம்  -  வண்டியில்;  ஓவியம்  புகழ  ஏறி -  சித்திரம் புகழ்ந்து
கூறுமாறு  ஏறி;  சூழப்  போனார்  -  (அந்தக் கோசலையை) சூழ்ந்து
சென்றார்கள்.

அறுபதினாயிர மங்கையர்  பலவகை  வண்டிகளில் ஏறிக்  கொண்டு
கோசலையைச் சூழச் சென்றார்கள் என்பது.                     69

சிவிகையில் வசிட்டர் செல்ல. பரதசத்துருக்கனர் அவர்பின் போதல்