தூளிவெள்ளம்  -  (சேனையால் எழுப்பப்பட்ட) புழுதிக் கூட்டம்;
ஆர்த்தது  -  நிரம்பியதாய்; விசும்பை முட்டி - வானத்தைத் தாக்கி;
மீண்டு  -  (மேலே  செல்ல  இடம்  இல்லாததால்)  திரும்பி;  அகல்
திசைகள் எங்கும்- அகன்ற திசைகள் எல்லாவற்றையும்; போர்த்தது-
மூடிக் கொண்டது; அங்கு - அத்திசைகளில்; ஒருவர்தம்மை ஒருவர்-
ஒருவரையொருவர்;  கண்  புலம்  கொளாமை - கண்களால் பார்க்க
முடியாதபடி;  தீர்த்தது - செய்து முடித்தது; செறிந்தது ஓடி - (பின்பு
அது)  நெருக்கமாக விரைந்து ஓடி;  சகரரோடு  பகைத்தது  என -
சகரரோடு பகை கொண்டதுபோல; திரை நெடுங் கடலை எல்லாம் -
அலைகளோடு கூடிய கடலையெல்லாம்; தூர்த்தது - தூர்த்துவிட்டது.

தூளிவெள்ள     மிகுதியை   விளக்கக்   கடலைத்  தூர்த்ததாகக்
கூறப்பட்டது.    -தொடர்பு    உயர்வு   நவிற்சியணி.   தூர்த்தற்குப்
‘பகைத்தென’    என்று    காரணம்   கற்பித்துக்   கூறியது   ஏதுத்
தற்குறிப்பேற்ற அணி.                                      76
 

808.

சங்கமும்  -  சங்க  வாத்தியமும்;  பணையும்  - புல்லாங்குழலும்;
கொம்பும்   -   ஊதுகொம்புகளும்;   தாளமும்   -   கைத்தாளமும்;
காளத்தோடு  -   எக்காளமும்;   மங்கல   பேரி  -  மங்கலத்தைத்
தெரிவிக்கும்  பேரிகையும்;  செய்த  பேரொலி  -  எழுப்பிய  பெரிய
ஓசையானது;  மழையை  -  மேகத்தில்  தோன்றும் இடியை; ஓட்ட -
துரத்தவும்;  தொங்கலும்  -  பூமாலைகளும்; குடையும் - குடைகளும்;
தோகைப்  பிச்சமும்  -  ‘மயிலின் தோகையால் செய்த பிச்சங்களும்;
சுடரை  ஓட்ட -  வெயிலை  மறைக்கவும்;  திங்கள்  வெண்குடை -
சந்திரன்  வெண்கொற்றக்  குடையை;  கண்டு  ஓட - கண்டு ஓடவும்;
தேவரும்  மருள - தேவர்களும் மயங்கும்படி; சென்றான் - (தசரதன்)
மேன்மையாகப் போனான்.

தொங்கல்     முதலியன  அரசர்   செல்லும்போது  பிடிக்கப்படும்
விருதுகள்.   பிச்சம்   -   மயில்பீலியால்   செய்யப்  பெற்ற  ஒன்று.
வெண்கொற்றக்  குடையின்  நிறமும்.   குளிர்ச்சி  தரும்  பெருமையும்
தனக்கு   இல்லையே   என்று   சந்திரன்  வெட்கப்பட்டு   ஓடினான்
என்பது.                                                 77
 

809.