:: TVU ::

514

பால காண்டம்

	திலக வாள் நுதல் பிடிகளும். குருளையும். செறிந்த உலவை நீள் வனத்து. ஊதமே ஒத்த; அவ் ஊதத் தலைவனே ஒத்துப் பொலிந்தது. சந்திரசயிலம்.
அலகு இல் யானைகள்- (உருவம் வலிமைகளை) அளவிடமுடியாத ஆண் யானைகள்; அநேகமும் - பலவும்; அவற்றொடு மிடைந்த - அவ் யானைகளோடு நெருங்கியுள்ள; திலகம் வாள் நுதல் - சிந்துரத் திலகம் தீட்டிய ஒளியுள்ள நெற்றியையுடைய; பிடிகளும் - பெண்யானைகளும்; குருளையும் - யானைக் குட்டிகளும்; செறிந்த- நெருங்கியிருந்தவை; உலவை நீள் வனத்து - மரங்கள் மிகுந்துள்ள நீண்ட வனத்திலே; ஊதமே ஒத்த - வாழும் காட்டு யானைக் கூட்டத்தை ஒத்திருந்தன; சந்திர சயிலம் - அந்தச் சந்திர சயிலமானது; அவ் ஊதத் தலைவனே - அந்த யானைக் கூட்டத்தின் தலைவனை; ஒத்துப் பொலிந்தது - ஒத்து விளங்கியது. சேனையிலுள்ள யானைகள் சந்திரசயிலத்து அருகில் இருந்த தோற்றம். காட்டு யானைக் கூட்டமும். யானைக் கூட்டத் தலைவனும் போன்று இருந்தது என்றார். யானைகள் யாவும் பெரிய மலையை அடுத்த சிறுசிறு குன்றும் போலிருந்தன என்பது. 7
கருங்கல்லைப் பொன்னாக்கிய தேர்கள்
820.	‘தெருண்ட மேலவர் சிறியவர்ச் சேரினும். அவர்தம் மருண்ட புன்மையை மாற்றுவர்’ எனும் இது வழக்கே; உருண்ட வாய்தொறும். பொன் உருள் உரைத்து உரைத்து ஓடி. இருண்ட கல்லையும் தன் நிறம் ஆக்கிய - இரதம்.
தெருண்ட மேலவர் - தெளிந்த அறிவுடைய பெரியோர்; சிறியவர் சேரினும் - சிறியவர்களை (தாம் போய்ச்) சேர்ந்திருந்தாலும்; மருண்ட அவர்தம் - அறிவுத் தெளிவில்லாமல் மயங்கிய அவர்களுடைய; புன்மையை - இழி குணத்தை; மாற்றுவர் எனும் - போக்குவர் என்று சொல்லுகின்ற; இது - இந்த வார்த்தை; வழக்கே - முறைமையானதே (உலக இயல்பு); இரதம் - (ஏனெனில்) இரதங்கள்; பொன் உருள் உருண்ட - பொன்னால் இயன்ற சக்கரங்கள் உருண்டு