உய்க்கும்     வாசிகள் -  தாம் ஏறிச்செலுத்தும் குதிரைகளினின்று;
இழிந்து  -  இறங்கி;  இள  அன்னத்தின் - இள அன்னங்கள் போல;
ஒதுங்கி   -  மெல்ல  நடந்து;  தொக்க  மெல்  மரம்  -  அடர்ந்த
இளமரங்களின்;  நிழல்படத்  துவன்றிய  -  நிழல் படுமாறு அமைந்த;
சூழல்  புக்க - பொழிலிடத்தில் போய்ச் சேர்ந்த; மங்கையர் - மகளிர்;
மெய் - (தம்) மேனிகளில்; கலாபமும் - இடையணிகளும்; குழைகளும்
-  காதணிகளும்;  இழைகளும்  -  பிற  அணிகலன்களும்; விளங்க -
விளங்குவதனால்;  பூத்த  கொம்பு  ஆம்  என - மலர்கள் பூத்துள்ள
கொம்புகள் என்னும்படி; பொலிந்தார் - திகழ்ந்தார்கள்.

இளமரமாதலின்     அதன்   அடியில்   நின்ற  மகளிர்  அணிந்த
அணிகலன்களின்   பொலிவால்   அம்    மரத்தின்   கீழே   படியும்
பூங்கொம்பு போலத் தோன்றினர்.                              10
 

823.

(பொழில்  புகுந்த  அப் பெண்கள்)  வழி வருந்தினர் ஆய் - வழி
நடந்த  சோர்வால்  வருந்தினராய்; வளம்கொள்  மாலை  வண்டு  -
செழுமையாக  வளர்ந்த  வண்டுகள்;  தளம்  கொள்  தாமரையென -
இதழுள்ள   தாமரை   மலரெனக்   கருதி;   தளிர்   அடியினும்  -
தளிரையொத்த தம் பாதங்களிலும்;  முகத்தும் - முகத்திலும்; அலமர -
சுழன்று  கொண்டிருக்க;  விளங்கு  தம்  உரு  - ஒளிவிடுகின்ற தமது
வடிவம்;  தோழியர்  அயிர்த்திட  -  (தம்  தோழியர்) ஐயப்படும்படி;
பளிங்கிடை  -  பளிங்குப் பாறையில்; வெளிப்பட - வெளிப்படுவதால்;
வேறோர்  துளங்கு பாறையில்  -  விளங்கும்  வேறொரு  பளிங்குப்
பாறையிலே; துயின்றார் - படுத்து உறங்கினார்கள்.

மங்கையர்    வெகுதூரம் பயணம்  வந்த களைப்பால் ஒரு பளிங்குப்
பாறையில்   படுத்துறங்கினர்.  அப்போது  அவர்களின்  பாதங்களையும்
முகத்தையும் கண்டு