வண்டுகள்     தாமரை   மலரென்று   மயங்கி  அவற்றில்  மொய்க்கச்
சுழல்வனவாயின.  அவரது  உருவம்  வேறு  ஒரு  பளிங்குப் பாறையில்
பிரதிபலித்தது.  அச்சாயையே ‘இது  நம்  தலைவியின் உருவமே’ என்று
தோழியர் மயங்கினர் என்பது - மயக்கவணி.                      11
 

824.

மின்னொடும் பிறங்கிய- மின்னல்களோடு விளங்கிய; மேகங்கள் -
மேகங்கள்;  ஆ இடை - அந்தச் சந்திர  சயில மலைப் பக்கத்தில்; படி
புக்காலென  -  பூமியில் சேர்ந்தாற்  போல;  பிடி  புக்குப் படிதர -
பெண்யானைகள்   படிந்து  நிற்க (அவற்றின்  மேல் ஏறியிருந்த); கொடி
அன்ன  மடவார் -  பூங்கொடி போன்ற மகளிர்; துடி புக்கா இடை -
உடுக்கையை   உவமையாகக்  கூறப்பெறும்  வெல்லும்  இடை  உடைய;
திருமகள்  தாமரை துறந்து  - இலக்குமி தாமரை மலரை விட்டு; குடி
புக்கால்  என  - (அங்கே)  குடி புகுந்தாற் போல; பரிபுரம் புலம்ப -
(தம்  கால்களின்)  பாதச் சிலம்புகள் ஒலிக்கவும் (நடந்து); குடிபுக்கார் -
(தத்தம் விடுதிகளில்) குடி புகுந்தார்கள்.

பெண்  யானைகளின் மேல் ஏறிவந்த சில பெண்கள் அவை பூமியில்
படிந்திருக்க.   அவற்றிலிருந்து    இறங்கிச்   சென்று    ஒரு  சூழலில்
குடிபுகுந்தனர்  என்பது.   மகளிரைத்   தாங்கிய   பெண்யானைகளுக்கு
மின்னலைத் தாங்கிய மேகங்கள் உவமை.                        12
 

825.