குவளை   மலர்   போன்ற;   கண்  மலர்  -  கண்களையும்  பெற்ற
முகத்தாமரையையுடைய;     கொடிச்சிமார்க்கு    -    குறிஞ்சிநிலப்
பெண்களுக்கு;   கணித்   தொழில்   புரியும்-  சோதிடத்   தொழில்
புரிந்துவரும்; வேங்கை உண்மலர் - வேங்கை  மரத்தின் தேனையுண்ட
மலர்களின் மேல்; வெறுத்த தும்பி - வெறுப்புற்ற கருவண்டுகள்; புதிய
தேன் உதவும் - புதிய தேனைத் தருகின்ற; நாகம் தண் மலரென்று -
சுரபுன்னை   மலரென்று   கருதி;  வானத்  தாரகை  -  விண்ணிலே
விளங்குகின்ற நடசத்திரங்களின் மேல்; தாவும் - தாவுகின்றன.

வேங்கை     நன்னாளில்  மலர்தலும்.  அந்த  நாளில் மலைமகளிர்
மணம்  புரிதலும்.  அது பூத்தபோது  மகளிர்  தினைப் புனங் கொய்யத்
தொடங்குதலும்    வழக்காதலின்    அவ்     வேங்கை    சோதிடரை
ஒப்பதாயிற்று.  ‘மலரின்  தேனைக்  குடித்ததால்  தேன்  நீங்கிய  அந்த
வேங்கை   மலரை  வெறுத்தது   தும்பி;  பின். வானத்திலே விளங்கும்
விண்மீன்களைக்   கண்டு  அவற்றைச்   சுரபுன்னை   மலராக  மயங்கி
அவற்றின்மேல்   தாவியது   என்றார்.   மயக்கவணியை   அங்கமாகக்
கொண்டு   வந்த   தொடர்புயர்வு   நவிற்சியணி.  கணி:   முகூர்த்தம்
அறிவிப்பவன்.                                              3
   

846.

மீன்     எனும் பிடிகளோடும் - நட்சத்திரங்களாகிய (தன்) பெண்
யானைகளுடனே;  விளங்கு வெண்மதி - விளங்கும் வெண்ணிறமுள்ள
சந்திரனாகிய;நல்வேழம்  -  சிறந்த யானை; கூன் நல் வான்கோடு -
வளைவும்  அழகுள்ள  வெண்கொம்புகளை; நீட்டிக்  குத்திட - நீட்டிக்
குத்தியதனால்    (அவற்றிலிருந்து);   குமுறிப்   பாயும்   தேன்   -
பேரொலியோடு   பாய்கின்ற  தேனினது;  உகு  மடையை  மாற்றி  -
பாய்கின்ற  மடையைத்  தடுத்து;  செந்தினைக்  குறவர் - செந்தினைக்
கொல்லைகளையுடைய   மலைக்  குறவர்கள்;  முந்தி  வானம் ஆறு -
விரைவாக  ஆகாய  கங்கையின்;  நீர்பாய்ச்சி - நீரைப் பாயச் செய்து;
ஐவனம் வளர்ப்பர் - மலை நெல்லை வளரச் செய்வார்கள்.

தேன்   வெள்ளத்தால் தினை விளைவதற்கு முன் அதனைத் தடுத்து
உலர்ந்த   ஐவன  நெல்லை ஆற்றுநீர்  கொண்டு மலைக் குறவர் மாற்றி
விளைத்தனர்     என்பது   -    தொடர்புயர்வு   நவிற்சியணி.   இவ்
வருணனையால்    மலையின்   ஓங்கிய    தன்மையும்.   மலைவளனும்
பெறப்படும்.                                               4