பையர்  -  தங்கிய  தேவமாதரின்; ஓதி ஆளி பொங்கும் - கூந்தலில்
வண்டுகள் மகிழ்ச்சியுடன் தங்குவன.

யானைகள்     அம்   மலையின்   கயத்திலே  மூழ்குவதால் அந்த
நீர்நிலையிலுள்ள  தாமரையும்.   அக் குளக்  கரையிலுள்ள ஆலமரமும்
அழிந்தன.   ஒரு   பக்கம்   தேவமாதர்   தங்குவதனால்  அவர்களின்
கூந்தலில் தேனைப்  பருகி  வண்டுகள் களித்து நிற்கும் என்றார். ஆளி
-அளி என்பதன் நீட்டல் விகாரம். ஓதி: பெண் மயிர். மலை.        32
 

875.

மேக  மாலை -  (அம் மலையில்)  மேக வரிசைகள்; மேல் எலாம்
மிடைந்தன  - மேலிடம்  முழுதும்  நெருங்கினவாய்; கீழ் எலாம் ஏக
மாலை - கீழிடமெல்லாம் ஒரே மாலைத் திரளாக; கிடந்தது - கிடக்கும்
(அம்   மலை)   (அதனால்);   ஆகம்  ஆலையம்  ஆக  -  (தன்)
திருமார்பைக்  கோயிலாகக்  கொண்ட;  உளாள்  பொலி  - திருமகள்
விளங்குகின்ற;   வாக    மால்   உளார்   -   அழகிய   திருமால்
தங்கியிருக்கின்றார்;   எனல்   ஆகும்   -  என்று  சொல்லுவதற்குப்
பொருந்தும்.

அம்  மலையின்   மேற்புறத்தில்   எல்லாம்   மேகங்கள்   வரிசை
வரிசையாகப்  படிந்துள்ளன.  கீழ்புறத்தில்  மலர்மாலைகள் கிடக்கின்றன;
இவற்றால்  அம்  மலை  பலரால்  அருச்சிக்கப்பட்ட  மலர்மாலையைப்
பூண்ட  கரிய  திருமால்  போல  விளங்கும்  என்பது.  வாகு (அழகு) -
வாக  எனத் திரிந்தது - குறிப்புப் பெயரெச்சம்.  மேகம்  சூழ்ந்த  மலை
திருமாலுக்கும் மாலைகள் திருமகளுக்கும் உவமிக்கப் பெற்றன.       33
 

876.

பொங்கு தேன் நுகர் - பெருகும் தேனை உண்ணுகின்ற; பூ மிஞிறு
ஆமென -  பூக்களில் மொய்க்கும் வண்டுகள் போல; எங்கும் மாதரும்
-  எல்லா   இடங்களிலும்  மகளிரும்; மைந்தரும் ஈண்டி - ஆடவரும்
நெருங்கி;  அத்  துங்க  மால்வரை  - ஓங்கிய பெரிய அம்மலையின்;
சூழல்கள் யாவையும்- சாரல்களிலெல்லாம்; தங்கி - வசித்து; நீங்கலார்
-  (அம்  மலையை  விட்டு) பிரிந்து செல்ல மனம் இல்லாதவராய்; தாம்
இனிது ஆடுவார் - (தாம்) இனிமையாக விளையாடினார்கள்.