நறைகமழ் அலங்கல் மாலை நளிர் நறும் குஞ்சி மைந்தர்- தேன்
மணம் மிகுந்து அசைகின்ற  மலர்  மாலை சூடிச் செறிந்து மணம் வீசும்
குடுமியினையுடைய   ஆடவர்கள்;  துறை   அறி  கலவி  செவ்வித்
தோகையர்   தூசு  வீசி  -  இன்பக்  கலவையின்  துறைகளையறிந்து
பக்குவமற்ற  மகளிரின்  ஆடைகளை  அப்பால்   எறிந்துவிட்டு; நிறை
அகல்  அல்குல்  புல்கும் கலன் கழிந்து அகல நீத்தார் - (மேலும்)
நிறைந்து     அகன்ற      இடைப்      பகுதியைத்    தழுவியிருந்த
மேகலையென்னும்   அணியையும்    வெறுத்து    அப்பால்   வீசினர்;
அறைபறை  யனைய  நீரார்  -  (ஏன்  எனில்) (செய்திகளைக் கூவி)
அறைகின்ற   பறை   போன்று  (எப்போதும்   வாய்விட்டுக்   கத்தும்)
தன்மையினர்;  அருமறைக்கு  ஆவரோ?  -  வெளிப்படுத்தக் கூடாத
இரகசியச்  செயல்  நிகழ்கையில்   உடன்   இருக்கும்   தகுதியுடையார்
ஆவாரோ? (ஆகார்)

தான்   - அசை. “தாம் கேட்ட மறை பிறர்க்கு உய்த்து உரைக்கலான்
அறைபறை யன்னர் கயவர்”  என்னும்  திருவள்ளுவப்  பெருந்தகையின்
திருக்குறள்  (1076) கருத்தை. பொன்னணியில்  பதித்த  நல்  மணியாய்ப்
பொதிந்து ஒளிரச் செய்துள்ளார் - வேற்றுப்பொருள் வைப்பணி.     56
 

1018.

புறத்துள்  பொன் அரும்  கலனும் தூசும் துறத்தல் வம்போ? -
(உடலின்)  வெளியேயுள்ள   அணிகலன்களையும்  ஆடைகளையும் (ஒரு
மங்கை)  துறந்தாள்  (முன்பு)  புகன்றது (ஒரு)  புதுமையோ?; நல்நுதல்
ஒருத்தி - அழகிய நெற்றியினையுடையாள் ஆகிய  (இன்னும்)  ஒருத்தி;
தன்பால்   அகத்துள்  நாணும்  நீத்தாள்  - தன்னிடத்தே.  (பிரிதற்
கியலால் கிடந்த) உடலின் உள் உள்ள  நாணத்தையும் து றந்துவிட்டாள்;
உன்ன அருந்துறவு பூண்ட உணர்வுடை ஒருவனே போல் - நினைப்