கொலை  உரு  அமைந்து எனக் கொடிய நாட்டத்து - கொலைச்
செயல் (ஒரு) வடிவம்  பெற்றாற்  போன்ற கொடுமையான கண்களையும்;
ஓர்  கலை  உருவு  அல்குலாள்  - ஆடையை ஊடுருவிப் புறப்படும்
இடைப்  பகுதியினையும்  உடையாள்  ஒருத்தி;  கணவற் புல்குவாள் -
(தன்)  கணவனை  இறுகத் தழுவினாள்; சிலை உரு அழிதரச் செறிந்த
மார்பில்   -  மலையும்  உருவழியும்  படியாகத்   திண்ணிதான  (தன்
கணவன்)  மார்பில்; தன் முலை உருவின என முதுகை நோக்கினாள்
- தன்  இரு  தனங்களும்   ஊடுருவிப் போயிருக்கக்கூடும் என (அவன்)
முதுகை (எட்டிப்) பார்த்தாள்.

அணைப்பின்     வன்மை   அறிவித்தவாறு யானையின் கொம்புகள்
அனைய  வன்மையும் வளைவும்  உடைய  அவள்  மார்பகங்கள். இறுக
அணைத்ததனால்.    அவன்     மார்பைத்    துளைத்து    மறுபக்கம்
வந்திருக்கக்கூடும்  என  அவன்  முதுகைப்  பார்த்தாள்   -   உயர்வு
நவிற்சி.                                                   62
 

1024.

மங்கையர்  இளநலம்  மைந்தர் உண்ண - மாதர்களுடைய புதிய
இன்பத்தை ஆடவர் நுகர்கையில்;  குங்குமம் உதிர்ந்தன - (மங்கையர்
மார்புக்)  குங்குமக்  கோலங்கள்  உதிர்ந்தன;  கோதை  சோர்ந்தன -
கூந்தல்கள்   அவிழ்ந்தன;   சங்கு   இனம்  முரன்றன  -  (கையில்
அணிந்திருந்த) சங்கு வளையல்கள்  ஆரவாரித்தன; கலையும் சாறின -
ஆடைகளும் நழுவின; சிலம்புகள் பொங்கின பூசல் இட்டன - காலில்
உள்ள சிலம்புகள் மிகுந்து ஒலி செய்தன.

ஒரு     செயலுக்காக    இத்தனை   செயல்கள்   நிகழ்ந்தன  என
வியந்தவாறு.  மங்கையர்  இளநலம்  மைந்தர்   உண்ண   - குங்குமம்
உதிர்ந்தன;  கோதைகள் சோர்ந்தன; சங்கு இனம்  முரன்றன;  கலைகள்
நழுவின;   சிலம்புகள்  பொங்கின;  பூசல்   இட்டன   எனக்  கூட்டுக.
மைந்தர்கள்  உண்பதற்காக மங்கையரிடத்தே  இளமையும்  நலமுமாகிய
பெருவிருந்து    படைத்து     வைக்கப்பட்டுள்ளமையறிந்து    துய்த்து
மகிழ்ந்தனர்  என்க.  முதல்  மூன்றடிகளிலும்  ஒரு    போர்க்களத்தின்
சூழலைச் சுட்டினார் கலவிப் போர் ஆதலின்.                    63