கடலுக்கு  உவமை.  அது  பெருமையாலும்.  ஒலியினாலும் பொருந்தும்
உவமையாயிற்று.

சரயு     நதிதான். கோசலத்துக் குரிய ஆறு எனினும். கோசல நாடு
கங்கை நதி வரையும் பரவியிருத்தலின்” கங்கை  நீர் நாடன்”  என்றார்.
இலக்குவனை. “கங்கைக்கு இறைவன்” (கம்ப. 1718) என்பார்.         5

                               தயரத மன்னனின் தானைச் சிறப்பு

கலிவிருத்தம்
    

இலைகுலாவு அயிலினான் அனிகம்- அரசிலை வடிவுடன் திகழும்
கூரிய  வேற்படையினை  ஏந்திய  தசரதனின்  சேனைக்கு;   ஏழ் என
உலாம்  -  ஏழு என்னும் எண்ணிக்கை கொண்டனவாய்; நிலை குலாம்
மகரநீர் நெடியமா  கடல்  எலாம்  -  நிலைபெற்று  விளங்கும். சுறா
மீன்கள்  உலாவும்.  நீண்டு அகன்ற கடல்கள் யாவும்; அலகு  இல் மா
களிறு.  தேர் புரவி.  ஆள்  எனை  விராய்  -  அளவற்ற  பெரிய
யானைகளும்   தேர்களும்.   குதிரைகளும்.  காலாட்களும்    என்னும்
நால்வகை வடிவுபெற்றுக் கலந்து; உலகு எலாம் நிமிர்வதே பொருவும்
ஓர்  உவமை  -  உலகம்  முழுவதிலும்  பொங்கிப்  பரவி  வருவதே
ஏற்றதோர் உவமையாகும்.

கணக்கிட    இயலாமையாலும். ஆர்ப்பொலியாலும் கடலும் படையும்
சமம்  ஆயின  என்க.  “நிமிர்வதே” - ஏகாரம்  பிரிநிலை.  ஏழ்கடலும்
நால்வகைச்  சேனை  வடிவம்  பெற்று. உலகம்  முழுவதிலும்  பொங்கி
மிதிலையை    நோக்கி    நகர்ந்தது   என்பது    தயரதன்   சேனை
வெள்ளத்திற்குப்   பொருந்தும்    உவமையாம்   என்றார்.   தன்மைத்
தற்குறிப்பேற்ற   அணி.  உயர்வு   நவிற்சியுமாம்.   மகரம்  -  கடலில்
மட்டுமே  வாழும்  சுறாமீன்.  “கடல்  வாழ் சுறவும்” (தொல். மரபு. 41)
என்பார் தொல்காப்பியனார். இது பற்றி. கடலுக்கு  “மகராலயம்”  எனும்
ஒரு பெயர் வட மொழியில் உண்டென்பர்.                       6