றது’  என்று கூறி; பெண்கள் தாம் தம்மின் நொந்து பேதுறுங்காலை
-  (அந்நகரத்துப்)  பெண்டிர்  (கண்ணிலிருந்து இராமன்   மறைவதற்கு)
தங்களுக்குள்   வருந்தி.   மதிமயங்கும்போது;   மண்கடந்து  அமரர்
வைகும்  வான்  கடந்தானை  - (முன்பு திருவித்கிரம அவதாரத்தில்)
மண்ணை  ஓரடியால்  அளந்துவிட்டு.   வானையும்  ஓரடியால் அளந்து
மூன்றாம்  அடிக்கு  இடம்கேட்டவனான  அந்த  இராமனை;   தன்தன்
கண்  கடவாது காத்த  காரிகை  -  தான்.  தனது  கண்களை விட்டு
நீங்கவிடாமல் பாதுகாத்துக்கொள்ள இருக்கிற சீதை; பெரியளே காண் -
எல்லாரினும் பெரியவளே ஆவாள்! (என்றனர்).

ஓங்கி     உலகளந்த பெரியரிற் பெரியனானவனை. தன்  கண்களில்
அடக்கிக்  காப்பவளாகிய  சானகி.   அவனிலும்   பெரியவளே  என்று
கவிஞர்பிரான்.  சமற்காரம்   தோன்ற   வியந்தவாறு.  காண்  - அசை.
உலகளந்த.  தன்  காதற்  கொழுநனைத் தன் கண்வட்டத்தில் வைத்துக்
காக்கும்  வாய்ப்பினைப்  பெற்றுவிட்ட   சீதையின்   பெரும்பேற்றினை
எண்ணிப் பெண்மைக்குரிய வியப்புணர்வோடு பெருமூச்செறிந்தவாறு.   7
 

ஒரு  தெரிவை - (வேட்கை பிறந்த பருவமாகிய) தெரிவைப் பருவம்
உடையாள்  ஒருத்தி; தன்பயிர்  ஒன்று  கலையும் சங்கும். பழிப்பறு
நலனும்  பண்பும் - தனது பயிர்ப்பு என்னும் குணத்தையும்.  உடலைப்
பிரியாது  இணைந்திருந்த  ஆடையையும்.   சங்க   வளையல்களையும்.
பழித்தற்கியலாத    நற்செயல்களையும்.     இயற்கை     இயல்பையும்;
செயிர்இன்றி அலர்ந்த பொற்பும்  சிந்தையும்  உணர்வும் தேசும்-
குற்றமற்று  மிக்கு  விளங்கும்  அழகையும்.  மனத்தையும்.  அறிவையும்.
ஒளியையும்; வயிரம் செய்  பூணும்.  நாணும். மடனும் தன்நிறையும்
மற்றும்  -  வயிரங்கள்  பதித்த   நகைகளையும். நாணத்தையும் மடம்
எனும்  பெண்மைக் குணத்தையும். மன  அடக்கத்தையும்.   மற்றுமுள்ள
பெண்மைக்குரிய  இயல்புகளையும்; உயிர்  ஒன்றும்  ஒழிய எல்லாம்
உகுத்து  ஒரு  தெரிவை   நின்றாள்   -   உயிர்   ஒன்றைத்தவிர.
எல்லாவற்றையும்    சிந்தவிட்டு    (இராமன்    சென்றுவிட்டதனால்
செய்வதறியாது) நின்றாள்.