அவுணர் தேர் பத்தும் - கொடிய கோபத்தையுடைய அசுரர்களின் பத்துத்
தேர்களையும் ; வென்று உளேற்கு - வென்றுள்ளவனாகிய எனக்கு ;
எஞ்சல்இல் மனம் எனும் - குறைவு அற்ற மனம் என்னும் ; இழுதை
ஏறிய - பேய் ஏறிச்செலுத்துகிற ; அஞ்சு தேர் - பொறியாகிய ஐந்து
தேர்களை ; வெல்லும்ஈது - வெல்லும் தொழிலாகிய இது ; அருமை
ஆவதோ - அருமைப்பாடு உடையதுஆகுமோ? (ஆகாது)’ பஞ்சிமென் தளிர்அடி - பஞ்சினையும் தளிரினையும் நிகர்த்த அடிகள்
எனலும் ஆம். கோல் கொள்ளுதலாகிய காரணம் தேரை ஓட்டுதலாகிய
காரியத்தை உணர்த்தியதால்உபசார வழக்கு. இழுதை - பேய் ; “இழுதை
நெஞ்சினோன்” (2201). பத்துத் தேர்களைவென்றவனுக்கு ஐந்து தேர்களை
வெல்லுவது அரிதாவதோ என்றது நயம். 18 | 1332. | ‘ஒட்டிய பகைஞர் வந்து உருத்த போரிடைப்
பட்டவர் அல்லரேல், பரம ஞானம் போய்த்
தெட்டவர் அல்லரேல், “செல்வம் ஈண்டு” என
விட்டவர் அல்லரேல், யாவர் வீடு உளார்? |
‘ஒட்டிய பகைஞர் வந்து - வஞ்சினம் கூறிய பகைவர்கள் எதிர்த்து
வந்து ; உருத்த போரிடை - சினந்து செய்யும் போர்க்களத்தில் ;
பட்டவர் அல்லரேல் - இறந்தவர் அல்லராயின் ; பரம ஞானம்
போய்த்தெட்டவர்அல்லரேல் - மேலான ஞானம் கைவரப் பெற்றுத்
தெளிந்தோர் அல்லராயின் ; ‘செல்வம் ஈண்டு’ என - ‘பொருள்
பயன்படுவது இவ்வுலகில் மட்டுமே’ என்று உணர்ந்து ; விட்டவர்
அல்லரேல் - அதனை முற்றுத் துறந்தவர் அல்லராயின் ; யாவர் விடு
உளார் - யாவர் வீட்டுலகத்தை அடைபவர் ஆவார்? (ஒருவரும் ஆகார்).’ போர்க்களத்தில் வீழ்ந்த மறவரும், ஞானம் மிக்கு மெய்யுணர்வு கூடப்
பெற்றவரும், செல்வ நிலையாமை உணர்ந்து துவரத் துறந்தவரும் வீடு
பெறுவார் என்பது கருத்து.உருத்தல் - சினத்தல். பரமஞானம் - எல்லாம்
இறைவனாகக் காணும் மேலான ஞானம். தெட்டவர் -தெளிந்தவர்.
தயரதனுக்குப் பகையின்மையால் போரிடை வீழ்தலும், பரம ஞானம்
கூடாமையால்தெளிவும் வாய்த்தில. ஆதலால் செல்வ நிலையாமை
உணர்ந்து துறவுநெறி சேர்தலே வீடு பெறற்குவழியாய் அமைந்தது என்பது
போதரும். 19 | 1333. | ‘இறப்பு எனும் மெய்ம்மையை,
இம்மை யாவர்க்கும்,
மறப்பு எனும் அதனின்மேல் கேடு
மற்று உண்டோ?
துறப்பு எனும் தெப்பமே
துணை செய்யாவிடின், |
|