அவ் ஊர் - அந்த அயோத்தி நகரத்தில் வாழும்; கற்பின் மிக்கார்
மாதர்கள் - கற்பிற் சிறந்த முதிய மகளிர்கள்; கோசலை மனத்தை
ஒத்தார் -இராமனுடையதாய் கோசலையின் மனம் போன்ற மனம்
உடையவர் ஆயினர்; வேறு உள மகளிர்எல்லாம் - மற்ற இளம்
பெண்கள் எல்லாம்; சீதையை ஒத்தார் - மகிழ்ச்சியில்சீதையைப்
போன்றவர் ஆயினர்; அன்னாள் திருவினை ஒத்தாள் - அந்தச் சீதை
இலக்குமியை ஒத்தவள்ஆயினாள்; வேதியர் வசிட்டன் ஒத்தார் -
மறையவர்கள் வசிட்டமுனிவரைப் போன்றவர் ஆயினர்; சாதுகை மாந்தர்
எல்லாம் - சாதுக்களான முதிய ஆடவர்எல்லாரும்; தயரதன் தன்னை
ஒத்தார் - தயரத மன்னனைப் போன்றவர் ஆயினர். நகர மக்கள் அவரவர் தகுதிக்கேற்ப அடைந்த மகிழ்ச்சிபொருந்திய
மனநிலை அழகுற எடுத்துக் காட்டப்படுகிறது. இராமன் முடுசூடுவது அரசத்
திருவைமனத்தலாதலால் அத்திருமகள் மகிழ்வதுபோலச் சீதை மகிழ்ந்தாள்
என்றார். 70 அரசர்கள் வருதல் | 1561. | இமிழ் திரைப் பரவை ஞாலம்
எங்கணும் வறுமை கூர,
உமிழ்வது ஒத்து உதவு காதல்
உந்திட, வந்தது அன்றே -
குமிழ் முலைச் சீதை கொண்கன்
கோமுடி புனைதல் காண்பான்,
அமிழ்து உணக் குழுழுகின்ற அமரரின்.
அரச வெள்ளம். |
அரச வெள்ளம் - அரசர்களின் பெருந்திரள்; குமிழ் முலைச் சீதை
கொண்கன் -குவிந்த நகில்களையுடைய சீதைக்குக் கணவனாகிய
இராமபிரான்; கோமுடி புனைதல் காண்பான்- அரசுக்குரிய மகுடம்
சூட்டிக்கொள்ளுவதைக் காண்பதற்கு; உமிழ்வது ஒத்து உதவுகாதல்
உந்திட - (உள்ளே நிறைந்து) புறம்பே வெளிப்படுவது போன்று மிகுகின்ற
விருப்பம்தம்மைத்தூண்ட; அமிழ்து உணக் குழுமுகின்ற அமரரின் -
அமுதத்தை உண்பதற்கு ஆவலோடுதிரண்ட தேவர்களைப் போல;
இமிழ்திரைப் பரவை ஞாலம் - ஒலிக்கும் அலைகளையுடையகடலால்
சூழப்பட்ட உலகம்; எங்கணும் வறுமை கூர - எல்லா இடத்தும்
வெறுமையடையும்படி;வந்தது - வந்து கூடிற்று; அரசர் கூட்டத்திற்குத் தேவர் கூட்டத்தை உவமை கூறினார்.
உவமை அணி. பரவை - பரவிஇருப்பது; ஐ - வினைமுதல் விகுதி.
அன்று, ஏ - அசைகள். 71 |