யாகிய கைகேயியும்; ஆங்கே கொணர்க எனச் செப்பினாள் - அவனிடம்
உன்னை அழைத்து வருமாறு சொன்னாள்; அப் பொன்தட மகுடம் சூட-
(ஆதலால்) அந்தப் பொன்னால் ஆகியபெரிய முடியை (நீ) சூடுவதற்கு;
விரைவின் போதி - விரைவாக வருவாய்;’ என்றான் -என்று சுமந்திரன்
சொன்னான். கொணர்கென - தொகுத்தல் விகாரம்; அகரம் தொக்கது. அவை -
அவ்வை; தாய்; இடைகுறைந்தது. 85 இராமன் தேரில் ஏறிச் செல்லுதல் | 1576. | ஐயனும், அச் சொல் கேளா,
ஆயிர மெளிலியானைக்
கைதொழுது, அரச வெள்ளம்
கடல் எனத் தொடர்ந்து சுற்ற,
தெய்வ கீதங்கள் பாட,
தேவரும் மகிழ்ந்து வாழ்த்த,
தையலார் இரைத்து நோக்க,
தார் அணி தேரில் சென்றான். |
ஐயனும் - இராமபிரானும்; அச் சொல்கேளா - அந்தச் சொற்களைக்
கேட்டு;ஆயிரம் மௌலியானைக் கைதொழுது - ஆயிரம்
திருமுடிகளையுடைய திருமாலை வணங்கி; அரசவெள்ளம் - அரசர்
கூட்டம்; கடல் எனத் தொடர்ந்து சுற்ற - கடல் போலப் பின்தொடர்ந்து
சூழவும்; தெய்வ கீதங்கள் பாட - கடவுளைப் போற்றும் இசைகளை
இசைவாணர்கள் பாடிவரவும்; தேவரும் மகிழ்ந்து வாழ்த்த - (வானில்
கூடிய) தேவர்களும்உவகைகொண்டு வாழ்த்தவும்; தையலார் இரைத்து
நோக்க - மகளிர் ஆரவாரித்துத் தன்னைவிரும்பிப் பார்க்கவும்; தார்
அணி தேரில் சென்றான் - மாலைகளால் ஒப்பனைசெய்யப்பட்ட தேரில்
போனான். இராமன் சுமந்திரன் சொற்கேட்டுத் தன் குலதெய்வமான
அரங்கநாதனைத் தொழுது தேரில் புறப்பட்டான். இரைத்தல் - மகிழ்ச்சியால்
ஆரவாரித்தல். 86 மகளிர் செயல்கள் | 1577. | திரு மணி மகுடம் சூடச் சேவகன்
செல்கின்றான் என்று,
ஒருவரின் ஒருவர் முந்த,
காதலோடு உவகை உந்த,
இரு கையும் இரைத்து மொய்த்தார்;
இன் உயிர் யார்க்கும் ஒன்றாய்ப் |
|