இருக்கின்றானே;’ என்று - என்று எண்ணி; உள்ளம் தள்ளுற நடுங்கி
நைவார் - மனம் தடுமாறுவதால் உடல் நடுங்கித் துன்புறுவாராகி;
‘செங்கணும் - சிவந்தகண்களும்; கரிய கோல மேனியும் - கருநிறம்
வாய்ந்த அழகிய திருமேனியும்; தேரும்ஆகி - தேருமாகப் பொருந்தி;
எங்கணும் தோன்றுகின்றான் - (இராமன்) எங்குப்பார்த்தாலும் காட்சி
தருகின்றான்; இராமன் எனைவரோ - இராமன் வடிவுடையோர் எத்தனை
பேரோ;’ என்பார் - என்று வியப்புடன் கூறுவார். நமக்கு அருள் புரியாதவன் எப்படி உலகத்திற்கு அருள்புரிந்து
காப்பாற்றப் போகிறான் என்றுமனம் தடுமாறினார்கள் அவன்மீது காதல்
கொண்ட பெண்கள். காம மிகுதியால் பார்க்குமிடம்எங்கும் இராமனைக்
கண்டனர். இஃது உருவெளித்தோற்றம். 90 முனிவர் முதலியோர் நினைப்பும் பேச்சும் | 1581. | இனையராய் மகளிர் எல்லாம்
இரைத்தனர், நிரைத்து மொய்த்தார்;
முனைவரும், நகர மூதூர்
முதிஞரும் இளைஞர் தாமும்,
அனையவன் மேனி கண்டார்,
அன்பினுக்கு எல்லை காணார்,
நினைவன மனத்தால், வாயால்
நிகழ்த்தது, நிகழ்த்தலுற்றாம்; |
மகளிர் எல்லாம் - பெண்கள் எல்லாரும்; இனையராய் - இத்
தன்மையினராய்; இரைத்தனர் ஆரவாரித்து; நிரைத்து மொய்த்தார் -
கூட்டமாகி(இராமபிரானை) நெருங்கினார்கள்; முனைவரும் - பற்றற்ற
முனிவர்களும்; நகர மூதூர்முதிஞரும் - அயோத்தி நகரமாகிய அந்தப்
பழைய ஊரில் வாழும் மூத்தவர்களும்; இளைஞர்தாமும் - சிறியவர்களும்;
அனையவன் மேனி கண்டார் - இராமபிரானது திருமேனி அழகைக்
கண்டு; அன்பினுக்கு எல்லை காணார்- அவன் மீது கொண்ட அன்புக்கு
வரம்பு காணாமல்; மனத்தால் நினைவன - மனத்தால்
நினைப்பனவற்றையும்; வாயால்நிகழ்ந்தது - வாயால் கூறியதையும்;
நிகழ்த்தலுற்றாம் - சொல்லத்தொடங்குவோம். இராமபிரான் சிறப்புகள் அனைவரையும் ஈர்க்க வல்லவனவாதலின்,
பற்றற்ற முனிவர்களும்அவன் முடிசூட்டிக்கொள்வதைக் காண விருப்பம்
கொண்டு வந்தனர் என்பதாம். நிகழ்ந்தது -நிகழ்த்தியது; பிறவினை விகுதி
மறைந்துள்ளது. இதனை அந்தர்ப்பாவிதணிச் என்பர் வடநூலார். கண்டார்,
காணார் - முற்றெச்சங்கள். 91 | 1582. | ‘உய்ந்தது இவ் உலகம்’ என்பார்;
‘ஊழி காண்கிற்பாய்’ என்பார்; |
|