உடையம் - எந்த மறு உதவி உடையராய் இருக்கின்றோம்?; என்பார் -
என்று கூறுவர் சிலர். இராமன் கண்ணழகிலும் மேனியழகிலும் ஈடுபட்டு அவற்றிற்கு
உவமையாகும் தகுதிபெற்ற தாமரையையும், மேகத்தையும் புகழ்ந்தனர்
சிலர், இராமனைப் பெற்றுத் தந்த தயரதன் தந்தகொடைக்கு ஈடாக எந்தக்
கைம்மாறும் நம்மால் செய்ய இயலாது நன்றியால் நிறைந்தனர் சிலர்.
புயல் - நீருக்கு இலக்கணை. 93 | 1584. | ‘வாரணம் அரற்ற வந்து,
கரா உயிர் மாற்றும் நேமி
நாரணன் ஒக்கும், இந்த
நம்பிதன் கருணை’ என்பார்;
ஆரணம் அறிதல் தேற்றா
ஐயனை அணுகி நோக்கி,
காரணம் இன்றியேயும்,
கண்கள் நீர் கலுழ நிற்பார். |
இந்த நம்பிதன் கருணை - இந்தக் குணங்களால் நிறைந்தவனாகிய
இராமபிரானதுதிருவருள்; வாரணம் அரற்ற வந்து - முதலை வாய்ப்பட்ட
கயேந்திரன் என்னும் யானைஆதிமூலமே என்று கதற அங்குத் தோன்றி;
கரா உயிர் மாற்றும் - முதலையின் உயிரைப்போக்கிய; நேமி நாரணன்
(கருணை) ஒக்கும் - சக்கரப் படையையுடைய திருமாலின்திருவருளை
ஒத்ததாகும்; என்பார்- என்று கூறுவர் சிலர்; ஆரணம் அறிதல் தேற்றா-
மறைகளும் இனையன் என்று அறிய இயலாத; ஐயனை அணுகி நோக்கி-
(திருமாலாகிய)இராமபிரானை நெருங்கி நன்கு பார்த்து; காரணம்
இன்றியேயும் - (அன்பு தவிர வேறு) காரணம் இல்லாமலே; கண்கள் நீர்
கலுழ நிற்பார் - கண்களிலிருந்து நீர் சொரியநிற்பார் சிலர். நாரணன் - நாராயணன் என்பதன் சிதைவு. நாரணன் என்பதன்
பின்னும் கருணை என்பதனைப்பிரித்துக் கூட்டுக. காரணமின்றிக் கண்ணீர்
சொரிந்தனர் என்பது அவர்களது பரவசநிலையினைக்காட்டும். 94 | 1585. | ‘நீல மா முகில் அனான்தன்
நினையினோடு அறிவும் நிற்க.
சீலம் ஆர்க்கு உண்டு? கெட்டேன்?
தேவரின் அடங்குவானோ?
காலமாக் கணிக்கும் நுண்மைக்
கணக்கையும் கடந்து நின்ற
மூலம் ஆய், முடிவு இலாத
மூர்த்தி இம் முன்பன்’ என்பார். |
|