தினைச் செய்யாது) ;  குழைத்தது ஓர் அமுதுடைக் கோரம் நீக்கி-
இனியவற்றைக் கூட்டிச் சேர்த்த அமுதத்தைக் கொண்ட வட்டிலை ஒதுக்கி ;
வேறுஅழைத்த தீ விடத்தினை - அதற்கு மாறாகச் சொல்லப் பட்ட
கொடிய நஞ்சினை ;  அருந்தல் ஆகுமோ - நுகர்தல் தகுமோ? (தகாது)’

     அமுத வட்டிலை ஒதுக்கிவிட்டுத் தீவிடத்தினை நுகர்தல் தகாதது
போலத்தவத்தினை விடுத்து அரச வாழ்வில் மூழ்கியிருத்தல் தகாது என்பது
கருத்து. ‘தவத்தினைச்செய்யாமல் அரசவாழ்வை மேற்கொண்டிருத்தல்’
என்னும் பொருளினைச் சொல்லாமல் உவமையை மட்டும்கூறியதனால் இது
ஒட்டணி ஆகும். கோரம் - வட்டில்.                              24

     கச்சை அம் கடக்கரி - கயிறு பூண்ட அழகிய மத யானையினது ;
கழுத்தின்கண் உற - கழுத்தில் பொருந்த ;  பிச்சமும் கவிகையும்
பெய்யும்- பீலிக் குஞ்சமும் வெண் கொற்றக் குடையும் தருகின்ற ;  இன்
நிழல் - இனியநிழலின்கண் இருந்து ஆளும் வாழ்வு ;  நிச்சயம் அன்று
எனின் - என்றும் நிலைக்கக்கூடியதன்று என்றால் ; நெடிது நாள் உண்ட
எச்சிலை - நெடுங்காலமாக நுகர்ந்துவந்தஎச்சில் போன்ற அதனை ;
நுகருவது - மேலும் துய்ப்பது ;  இன்பம் ஆகுமோ- இன்பம்
தருவதாகுமோ? (ஆகாது).’

     நிலையாத அரச இன்பத்தை விடுத்து நிலைத்த இன்பம் நல்கும்
துறவினைநாடுவது சிறப்பு என்பது கருத்து.

என்பர் நம்மாழ்வார்.

     பிச்சமும் கவிகையும் அரச சின்னங்கள். நிழல் - ஈண்டுக் குடைநிழலில்
இருந்து ஆளும் அரச போகத்தைக் குறித்தது.                       25