டிர்க்கு அரிய கற்பினை உடையவளே; மெய்த்திறத்துத நம் வேந்தனை-
உண்மைக் கூற்றில்ஒரு சிறிதும் பிறழாத நம் சக்கரவர்த்தியை; நீ பொய்த்
திறத்தினன் ஆக்குதியோ? புகல்’ - சொன்ன சொல்லை மாற்றிக்
கொள்ளும் பொய்த்தன்மை உடையவனாக நீசெய்துவிடுவாயோ,
சொல்வாயாக; என்றான் -. சொன்னதைச் சொன்னவாறே நிறைவேற்றல் சத்தியமாம். ‘வனம்போகு’
என்ற பின்னர் வனம்போகாமல் இருந்தால் அரசன் சத்தியம் பாழாகும்
என்பதைத் தாய்க்கு நினைவுறுத்தி, நாயகனைச்சத்தியத்தில் காப்பது
நாயகியின் கற்புநலம் என்பதைக் குறிப்பால் புலப்படுத்தி‘அருங்கற்பினோய்’
என்று தாயை விளித்தானாம். 14 | 1620. | பொற்புறுத்தன, மெய்ம்மை பொதிந்தன,
சொற்புறுத்தற்கு உரியன, சொல்லினான் -
கற்பு உறுத்திய கற்பு உடையாள்தனை
வற்புறுத்தி, மனம் கொளத் தேற்றுவான். |
கற்பு உறுத்திய கற்பு உடையாள்தனை - கற்பு என்பது இப்படிப்
பட்டது என்பதைஉலகிற்கு உணர்த்தி நிறுத்திய பெருங் கற்பினை உடைய
கோசலையை; வற்புறுத்தி - மனஉறுதிப்படுத்தி; மனம் கொள -
மனத்தில் படும்படி; தேற்றுவான் - தெளியப்பண்ண வேண்டி; பொற்ப
உறுத்தன -அழகு பொருந்தியனவும்; மெய்ம்மை பொதிந்தன -உண்மை
நிரம்பியனவும்; சொற்புறுத்தற்கு உரியன - தாய்க்கு மகன் சொல்லுதற்குத்
தகுந்தனவுமாகிய சொற்களைச்; சொல்லினான் - சொன்னான். கல்லின் தன்மை போல உறுதிப்பாடுடைய கற்பு என உரைப்பினும்
அமையும். கற்பின் தன்மை உலகம் அறிய உணர்த்திய கற்பு என்பதைச்
‘சீலம் இன்னது என்று அருந்ததிக்கு அருளிய திருவேஎன்று (2061.)
இராமன் சீதையை அழைப்பது கொண்டும் அறிக. 15 | 1621. | ‘சிறந்த தம்பி திரு உற, எந்தையை
மறுந்தும் பொய் இலன் ஆக்கி, வனத்திடை
உறைந்து தீரும் உறுதி பெற்றேன்; இதின்,
பிறந்து யான் பெறும் பேறு என்பது யாவதோ? |
‘சிறந்த தம்பி திரு உற - (என்னிலும்) சிறந்த தம்பியாகிய பரதன்
அரசச்செல்வம் பெற; எந்தையை - என் தந்தையாகிய தயரதனை;
மறந்தும் பொய் இலன்ஆக்கி - மறப்பினாலும் பொய் சொல்லாத சத்திய
வாக்கினனாகச் செய்து; வனத்திடை -காட்டில்; உறைந்து தீரும் உறுதி
பெற்றேன் - வசித்துத் திரும்பி வருகின்ற நன்மையைஅடைந்தேன்;
இதின் - இதைக்காட்டிலும்; யான் பிறந்து |