‘பெருமகன் என்வயின் பிறக்க - ஆடவர் திலகமாகிய இராமன்
எனக்குமகனாகத் தோன்ற ;  சீதை ஆம் திருமகள் மணவினை -
சீதையாகிய திருமகளின்திருமணத்தை ;  தெரியக் கண்ட யான் -
கண்ணாரப் பார்த்து மகிழ்ந்த யான்; அரு மகன் - அந்த அரிய மகனாகிய
இராமன் ;  நிறை குணத்து அவனி மாது எனும் - நிறைந்த
குணத்தையுடைய மண்மகள் என்கிற ;  ஒரு மகள் மணமும் - ஒப்பற்ற
பெண்ணை மணம்புரிந்து கொள்ளுதலையும் ;  கண்டு உவப்ப
உன்னினேன் - கண்ணாரக்கண்டு களிக்கக் கருதினேன்.’

     தயரதன், “இராமனுக்குத் திருமணம் நடந்ததைக் கண்டு மகிழ்ந்த
யான்,அரசுரிமை ஏற்றலையும் செய்விக்கப் பேரவாக் கொள்கிறேன்”
என்கிறான். பெருமகன், திருமகள்,அவனிமாது ஆகிய சொற்கள்,
“பெருமாளுக்குத் தேவியர் இருவருள் திருமகள் கூடியதைக் கண்டு
களித்தேன் ; இனி மண்மகள் கூடுவதனையும் காண விழைகிறேன்” என்னும்
பொருளினைத்தெரிவிப்பனவாக அமைந்துள்ளன.

     இதுவரை தயரதன் தான் துறக்க விரும்பியதற்குக் காரணங் கூறி, இது
முதல்இராமனுக்கு அவன் முடிசூட்ட விரும்பியதைக் கூறுகிறான்.       28

     ‘நிவப்புறு - உயர்வு பெற்ற ;  நிலன் எனும் நிரம்புநங்கையும் -
மண் என்னும் பெண்மைக் குணங்கள் நிரம்பிய தேவியும் ;  சிவப்புறு
மலர்மிசைச் சிறந்த செல்வியும் - செந்நிறத் தாமரை மலரின்மீது
வீற்றிருக்கின்றசீதேவியும் ;  உவப்புறு கணவனை - விரும்பத்தக்க
மணாளனை ;  உயிரின்எய்திய - தம் உயிர்போல அடைவதற்குக்
காரணமான ;  தவப் பயன் -தவத்தின் பயனை ;  தாழ்ப்பது தருமம்
அன்று - பிற்படச் செய்வது அறம் ஆகாது.’

     நிவப்புறு என்பதனை நங்கையொடும் செல்வியொடும் தனித்தனிக்
கூட்டுக.நிலமடந்தைக்கு உயர்வாவது - எல்லாப் பொருள்களையும் தாங்கும்
ஆற்றலுடைமை, வளம்முதலியவற்றால் சிறந்திருத்தல். திருமகளுக்கு
உயர்வாவது - யாவர்க்கும் செல்வப் பெருக்கைத்தந்து இம்மை மறுமை
இன்பங்களை நுகரச் செய்தல். அரோ - ஈற்றசை.

     முன் பாட்டின் கருத்தையே மறுமுறையும் வற்புறுத்தி இராமனுக்கு
முடிசூட்டும்நாளைத் தள்ளிப் போடுவது அறம் ஆகாது என்றும் ஆதலின்
விரைந்து முடிசூட்டல் வேண்டும் என்றுகூறுகிறான்.