எண்ணமும் - அங்குக் கூடியிருந்த அமைச்சர்களின் கருத்தையும் ;
மகன்பால் பரிந்த சிந்தை - மகன்மீது அன்புகொண்ட ; அம் மன்னவன்
கருதிய பயனும் - அந்தத் தயரதன் நினைத்த நினைப்பையும் ;  மன்
உயிர்க்குப்பொருந்தும் உறுதியும் - அவற்றால் நிலைபெற்ற உயிர்களுக்கு
உண்டாகும் நன்மையையும் ; பொது உற நோக்கி - நடுவு நிலைமை
பொருந்த ஆராய்ந்து ;  செப்பும் -பின்வருமாறு சொல்வபவனானான்.

     ‘நிருப - மன்னவனே!  தகவோய் - தகுதியுடையோனே! பண்டு -
முற்காலத்தில் ;  நின் குல மன்னர் நேமி உருட்டி - உன்குலத்தில்
தோன்றிய அரசர்கள் ஆணைச் சக்கரத்தைச் செலுத்தி ;  பெருமை
பெற்றனர்- பெருமை அடைந்தார்கள் ; யாவரே இராமனைப் பெற்றார்-
அவர்களுள்இராமனைப் போன்ற மைந்தனைப் பெற்றவர் எவர்? (ஒருவரும்
இலர்) ; கற்று உணர்ந்தோய்க்கு- கற்பதற்குரிய நூல்களைக் கற்று
அவற்றின் பொருளை உணர்ந்த உனக்கு ;  கருமமும்இது - இப்பொழுது
செய்தற்குரியதும் இதுவே ;  இனி கடவ தருமமும் இது - இனிச்
செய்வதற்குரிய அறச்செயலும் இதுவே ;  தக்கதே நினைந்தனை -
தகுதியுடைய செயலையேபுரியக் கருதினாய்.’

    ‘புண்ணியம் தொடர் - நற்பயன் தோன்றக் காரணமான; வேள்விகள்
யாவையும் புரிந்த அண்ணலே - யாகங்கள் எல்லாவற்றையும் செய்த
பெரியோனே ! இனி அரு தவம் இயற்றவும் அடுக்கும் - நீ இனிமேல்
செய்தற்கு அரிய தவத்தைச் செய்தலும்தகும்; வண்ண மேகலை நிலமகள்-
அழகிய மேகலை என்னும் அணியினைப் பூண்ட